web counter
LEXO PA REKLAMA!

SHKARKO APP

App Store
Google Play

Socialistët miratojnë statutin e ri/ Ja cilat janë ndryshimet

29 Shkurt 2020, 18:20, Politikë CNA

Socialistët miratuan në sesionin e dytë të Kongresit të PS statutin e ri. Mësohet se sesioni u zhvillua me dyer të mbyllura dhe u miratuan ndryshime teknike.

Deputeti Alket Hyseni tregoi për mediat se PS vendosi krijimin e Librit të Rregullave që përmbledh rregulloret e organeve të partisë, kodin e zgjedhjeve, kodin e etikës dhe çdo udhëzim për funksionimin e institucioneve të PS.

Gjithashtu Hyseni bëri më dije se në statut u fut koncepti i bashkë-drejtimit burrë-grua, që më parë ishte si udhëzim nga kryesia e PS.

?U vendos kontrolli i integritetit dhe figurës, bazuar në legjislacion. U sanksionua se kush nuk reflekton të vërtetën, kush nuk tregohet i sinqertë për aktivitetin e tij, merr përsipër sanksionet jo vetëm në aspektin e  përgjegjësise ndaj ligjit, por edhe me përjashtimin nga partia. Dokumenti u miratua njëzëri nga të gjithë dhe do ta ndihmojë PS-së për zgjedhjet, jo vetëm një forcë perfekte në organizim”, tha socialisti.

Ndërsa për kërkesën për mocion nga 8 socialistët, mes të cilëve ishte edhe Arta Dade dhe Maqo Lakrori, Hyseni tha se do diskutohen në mbledhjen e ardhshme të asamblesë.

?Jo se nuk u morën për bazë u diskutua me vëmendje, disa kishin të bënin me statutin që ishin të evauruara. Kërkesat i paraqiten grupit të punës, të gjitha ata shokët që disa ishin anëtarë partie dhe disa jo. Në mbledhjen e ardhshme të asamblesë do të shtrohen për diskutim?, nënvizoi ai./ CNA.al





Lajmet e fundit nga