E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

“Arrestimi i Çilit me urdhër të Ramës”/ Berisha denoncon “fytyrën kriminale” të drejtësisë

29 Shkurt 2020, 20:12, Politikë CNA

Ish-kryeministri Sali Berisha ngre akuza të forta ndaj kryeministrit Edi Rama për arrestimin e pronarit të UET-së Henri Çilit.

Berisha thotë se arrestimi i Çilit është bërë me urdhër të kryeministrit Edi Rama. Sipas tij, prokurori po fsheh me urdhrin e Ramës emrin e zyrtarit të lartë dhe po tregon fytyrën kriminale të drejtësisë së narkoshtetit shqiptar.

?Miq, afera Çili i hoqi çdo petë lakrorit për ndonjë që ka patur ndonjë iluzion për pseudo reformën dhe pavarësinë e sistemit të drejtësisë, pra vendosjen e kësaj të fundit totalisht në kontroll politik. Nga dje gjer sot komentet kanë qenë të shumta për këtë akt mafioz flagrant të narkodrejtësisë në narkoshtetin shqiptar. Personalisht kam mbështetur dhe do mbështes çdo përpjekje për zbatimin e drejtë dhe të paanshëm të ligjit ndaj çdo njeriu. Por dënoj si standart kriminal dhe mafioz aplikimin e dy standarteve në zbatimin e tij?, shkruan ish-lideri i demokratëve.

Berisha thotë se kjo aferë dëshmon dhe njëherë se drejtësia e shtetit shqiptar ka fytyrën e shëmtuar të drogës, krimit dhe është kthyer thjeshtë në një mafie që zbaton urdhra kriminale të kryeministrit.

?Kështu, për të njëjtin motiv që arrestohet me urdhër të Edvin Mafisë Henri Çili nga kjo narkodrejtësi, dhe njoftohet me pompohet me të madhe nga vetë Gjeneral Hashashi dhe Ardi Xhafa suksesi i arrestimit të tij, po për atë motiv dhe po me urdhër të Edvin Mafisë jo vetëm lihet i lirë, por fshihet dhe mbahet sekret dhe as nuk guxohet t?i përmendet emri partnerit në krim të Henri Çilit, zyrtarit të lartë të drejteësisë, sojit të Sadushëve apo Dvoranëve të Parisë që u takua me Çilin dhe mori përsipër të kryente krimin, t?i plotësonte kërkesën atij.

Ky është morali mafioz i drejtësisë së narkoshtetit të kontrolluar në çdo qelizë nga kreu i mafies së drogës në Shqiperi, Edvin Kristaq Droga!?, nënvizon Berisha.

Ish-kryeministri denoncon si kriminale drejtësinë e dy standarteve të Ramës, për të cilën pretendon se ligjet i zbaton si kodet e shpellave të mafies./ CNA.al/ CNA.al