E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

“Po prisni vdekjen e ndonjë grevisti që t’i zgjidhni hallin?”/ KSSH krah naftëtarëve dhe punonjësve të Poçemit

19 Shkurt 2020, 21:35, Politikë CNA

Konfederata e Sindikatave të Shqipërisë ka reaguar ashpër ndaj institucioneve për protestën dhe grevën e urisë së punonjësve të nënstacionit elektrik dhe atij të pompimit të ujit në Poçem të Mallakastrës, si dhe për grevën e naftëtarëve në Ballsh.

KSSH kërkon të dijë se përse nuk është zgjidhur halli i këtyre punonjësve, ndërsa thekson se ata kanë 27 muaj që nuk paguhen.

?Përballë kësaj situate skandaloze institucionet që duhet të sigurojnë dinjitetin dhe pagën e këtyre punëtorëve kanë zgjedhur heshtjen. Politikanë të opozitës në kuadër të KÇK vizitojë grevistët kërkojnë në media të pranishme aty zgjidhjen e problemit tyre, por vetëm kaq.
Në përfundim pasi këta politikanë e kryenin misionin me shefin e tyre dhe fansat ne rrjetet sociale ikin të hanë dreke për të qarë hallet e naftëtarëve, ndërsa ata i lënë në godinë të braktisur dhe të harruar.
Sindikata që ka nënshkruar me ta kontratën kolektive është ende me pushime në Turqi dhe lajmi i grevës nuk ka mbërritur ende tek shefi i madh.
Ata punëtorë kanë 27 muaj pa marrë djersën e tyre kaq duhet të mjaftonte që shteti të zbarkonte në Ballsh ti sekuestronte të gjitha asetet kompanive fantazim që prej vitesh marrin miliona euro nga pasuria e shqiptarëve nafta dhe në fund tallen me djersën e punëtorëve shqiptarë?, thuhet në reagim.

Konfederata e Sindikatave të Shqipërisë i kërkon Ministres së Financave të angazhohet personalisht për zgjidhjen e kërkesave të grevistëve.

Ndërkohë, KSSH i bashkohet protestës dhe grevës së këtyre burrave dhe thekson se nuk do t’i lërë vetëm në përballjen e tyre të vështirë.

?Përgjegjësit e kësaj situatë duhet të dalin përpara ligjit me çdo çmim dhe çdo minutë në këtë histori ka vlerë pasi në mes është jeta e punëtorëve që po kryejnë një akt ekstrem për të marrë djersën e tyre?, nënvizon Konfederata./ CNA.al