web counter
LEXO PA REKLAMA!

SHKARKO APP

App Store
Google Play

Gjyqi ndaj Balliut dhe banorëve të Astirit/ Basha akuza të forta Prokurorisë

19 Shkurt 2020, 17:30, Politikë CNA

Kryetari i Partisë Demokratike ka hedhur akuza të forta ndaj Prokurorisë, për procesin gjyqësor që po zhvillohet ndaj Klevis Balliut dhe disa protestuesve të Unazës së Re.

Sipas tij, Prokuroria është kapur dhe është bërë palë me vjedhjen, ndaj pretendon se nuk po heton dhe ndëshkon hajdutët e 40 milion eurove në aferën e Unazës së Re, por po përndjek dhe merr të pandehur qytetarët.

Basha paralajmëron se opozita nuk do ndalojë së denoncuari aferat korruptive në Unazën e Re.

?Marrja si të pandehur nga prokuroria e përfaqësuesit të opozitës Klevis Balliu dhe të qytetarëve Seit Hajderasi, Lulzim Maqinaj, Ilir Katiraj dhe Elton Skënderaj pse protestojnë për të mbrojtur shtëpitë dhe fëmijët e tyre, është akt politik, për të frikësuar qytetarët që kundërshtojnë arbitraritetin dhe hajdutërinë e Edi Ramës.

Në emër të Partisë Demokratike dua të bëj të qartë se 30 vjet pas rrëzimit të diktaturës nuk ka prokurori politike që mund të ndalë qytetarët e lirë të protestojnë ndaj korrupsionit dhe dhunës qeveritare. Nuk ka prokuror apo gjykatës të korruptuar që mund të frikësojë opozitën të jetë përkrahë qytetarëve dhe të denoncojë aferat kriminale e korruptive të Edi Ramës dhe ministrave të tij. Akte të tilla dëshmojnë sesa e drejtë dhe jetike është beteja jonë me korrupsionin dhe krimin e organizuar. Denoncimi dhe reagimi ndaj korrupsionit, lidhjeve të krimit të organizuar me Edi Ramën dhe regjimin e shërbëtorëve të tij, nuk ka për t?u ndalur!?, thekson aio në një postim në rrjetet sociale.

Ndërkohë, kujtojmë se Balliu publikoi sot një dokument ku ishte stampuar fotoja e një shtëpie dhe ngriti akuzat se e vetmja banesë e pa prishur në Astir, është ajo e prokurores Elisabeta Imeraj./ CNA.al

?E vetmja shtëpi që nuk preket në Astir?/ Klevis Balliu denoncon prokuroren dhe dosjet e bujshme që ka mbyllur





Lajmet e fundit nga