web counter
LEXO PA REKLAMA!

SHKARKO APP

App Store
Google Play

E fundit!

x

Formula e re brenda opozitës/ Mediu tregon si do ndërtohen grupimet

19 Shkurt 2020, 16:36, Politikë CNA

Kreu i Partisë Republikane Fatmir Mediu ka folur për formulën e re brenda opozitës, e cila parashikon që brenda koalicionit të madh të krijohet një grupim politik.

Sipas tij, kjo formulë bën të mundur barazinë e votës dhe mundësinë e përfaqësimit në Parlament.

?Garanton barazinë para votës edhe vlerës së mandatit përballë votuesve. As më shumë dhe as më pak, çdo subjekt politik, qoftë si subjekt më vete, koalicion apo grupim mundëson mandatin në bazë të votave që votojnë qytetarët. Ideja është krijimi i një grupimi koalicionit, që do të thotë një grupim partish mund të konkurrojnë me njëra-tjetrën brenda koalicionit për të maksimalizuar votat dhe për të tuar mundësinë për tu përfaqësuar në Parlament?, shprehet Mediu.

Aleati i Lulzim Bashës thekson se çdo subjekt politik do të ndërtojë grupin e vet, në mënyrë që të përfaqësohen në mënyrë të drejtë.

?Njerëzit që duan të bëjnë diversion duan të bëjnë diversion. LSI mund të ndërtojë koalicionin e vet, PDIU mund të bëjë koalicionin e vet, PR koalicion e vet ose mund të dalë më vete, PD po ashtu grupimin e vet. Pra gjithsecili subjekt politik në raportet politike programore apo interesat elektorale mund të ndërtojë një grupim të vetin, nuk ka asnjë pengesë. Kjo i ka dhënë mundësi çdo subjekti politik nga të dyja krahët që të ndërtojë një raport të drejtë me forcat politike që hyjnë në garë?, nënvizon Mediu.

Sipas tij, Kuvendi vitet e fundit është kthyer ne treg, ku mandati i deputetit përdoret vetëm për pazar.

Ai pretendon se kështu mund të respektohet vullneti qytetar dhe të përfaqësohen nga subjekti politik që kanë zgjedhur

?Ky është një fenomen që duhet patjetër të shmanget. Nuk jemi në konkurrim mazhoritar as me lista të hapura. Qytetarët kanë zgjedhur subjektin politik, pra do të thotë që kanë zgjedhur një linjë politike. Ta deformosh këtë vullnet të qytetarëve me qëllim për përtime personale duhet të gjejmë një mekanizëm që ta ndalojë. Është e vështirë për të gjetur balancën, por unë mendoj që nëse ka fakte evidente kur deputeti lëviz nga krahu politik ku është zgjedhur në krahun tjetër politik, i bashkëngjitet mazhorancës apo interesave të ndryshme politike në kundërshtim me atë që është votuar, unë mendoj se ai mandat duhet hequr dhe duhet ti vijë deputetit të radhës?, thekson Mediu./ CNA.al





Lajmet e fundit nga