web counter
LEXO PA REKLAMA!

SHKARKO APP

App Store
Google Play

E fundit!

x

Detaje nga grabitja e bankës në Durrës/ FNSH dhe "Shqiponjat" blindojnë zonën

8 Shkurt 2020, 14:52, Kronika CNA

Policia jep detaje për grabitjen e bankës së nivelit të dytë në lagjen numër 12 në qytetin e Durrësit.

Blutë bëjnë me dije se një person i maskuar dhe i pajisur me armë ka hyrë në bankë dhe ka marrë shumën e 1 milion lekëve të vjetra që ka gjetur mbi banak.

Siç edhe u raportua më parë, punonjësi i bankës i ka njoftuar autoritetet 40 minuta pasi kishte ndodhur grabitja.

?Në Durrës, në lagjen nr 12,  në një rrugë dytësore, në filialin e  një banke të nivelit të dytë, rreth orës  14:24,  një person  ende i paidentifikuar dyshohet nën kërcënimin e një sendi të ngjashëm me armë zjarri pistoletë ka marrë lekët mbi banak, një shumë rreth 100.000 lekë  dhe është larguar me vrap

Shërbimet e Policisë së Durrësit me marrjen e njoftimit janë vënë në ndjekje të autorit ku është rrethuar zona në një perimetër të gjerë?, thuhet në njoftimin e policisë.

Ndërkohë, në  kontroll të zonës është angazhuar edhe FNSH  dhe  forca e posaçme  “Shqiponjat”, ku vijon kontrolli edhe me pika kontrolli në rrugica e rrugë kryesore.

Sakaq, grupi hetimor do të sekuestrojë kamerat e zonës përreth për gjetjen e çdo prove që do shërbejë në identifikimin dhe më pas kapjen e autorit./ CNA.al





Lajmet e fundit nga