web counter
LEXO PA REKLAMA!

SHKARKO APP

App Store
Google Play

Të dënuar me burgim të përjetshëm/ Publikohen fotot e tre të “fortëve” të radhës

8 Shkurt 2020, 10:41, Kronika CNA

Policia e Shtetit ka publikuar fotot e tre personave të cilët rezultojnë të dënuar me burgim të përjetshëm për vepra të rënda penale dhe që do të jenë objekt i punës së Njësisë së Kërkimit.

Bëhet fjalë për shtetasit, Sokrat Ruda, Jani Alia dhe Artur Kuliçi.

Sipas Policisë, në datën 8 qershor 1995, në lagjen “Isa Boletini”, Vlorë, shtetasi Sokrat Ruda ka vrarë me armë zjarri për motive të dobëta xhelozie shtetasin Z. D.

Sokrat Ruda është dënuar me burgim të përjetshëm nga Gjykata e Rrethit Gjyqësor Vlorë, për veprat penale “Vrasja me paramendim” dhe “Armëmbajtja pa leje?.

Po ashtu, policia bën të ditur se Jani Alia, në datën 1 maj 2016, në një lokal në Tiranë, ka vrarë me armë zjarri shtetasin E. Ç.

Jani Alia është dënuar me burgim të përjetshëm nga Gjykata e Shkallës së Parë Tiranë, për veprën penale “Vrasja me paramendim”.

Ndërsa i dënuari me burg përjetë Artur Kuliçi, në datën 6 mars 2013, në një lokal nate në Tiranë, pas një konflikti me disa persona të tjerë, ka qëlluar me armë zjarri duke rrezikuar jetën e disa personave dhe si pasojë ka mbetur e vrarë me armë zjarri shtetasja S. T.

Artur Kuliçi është dënuar me burgim të përjetshëm nga Gjykatës e Rrethit Gjyqësor Tiranë, për veprat penale “Vrasja në rrethana të tjera cilësuese? dhe “Armëmbajtja pa leje”./ CNA.al

 





Lajmet e fundit nga