web counter
LEXO PA REKLAMA!

SHKARKO APP

App Store
Google Play

Çfarë po ndodh në Berat!/ Policia ‘blindon’ rrugët kryesore

7 Shkurt 2020, 18:55, Kronika CNA

Drejtoria Vendore e Policisë Berat, ka intensifikuar kontrollet për kapjen e personave në kërkim dhe rritjen e sigurisë, duke ngritur postblloqe në rrugët e qytetit.

Në qendër të Beratit, por edhe në të gjitha pikat hyrëse e dalëse të tij janë vendosur që prej pasdites së të enjtes postblloqe me forca të shumta policore.

Masat e ndërmarra nga DVP Berat kanë si qëllim kapjen e personave në kërkim, uljen e kriminalitetit dhe rritjen e sigurisë rrugore. Në të gjitha automjetet që janë ndaluar në këto postblloqe janë bërë kontrrolle të imtësishme për drogë e armë, ndërkohë që janë kontrolluar edhe personat që drejtonin atomjetetet, nëpërmjet identitetit të tyre, për të verifikuar nëse janë apo jo persona në kërkim policor në Berat a në qytete të tjera, raporton Ballkan web.

Burimet zyrtare të policisë konfirmojnë se vetëm në dy ditët e para të këtij aksioni janë kontrolluar rreth 100 automjete dhe janë vendosur 80 masa administrative për ata drejtues mjetesh që kanë rezultuar me mangësi në dokumentacion dhe me shkelje.

Po kështu gjatë këtij aksioni policia ka ushtruar kontroll fizik për armë, drogë e sende të tjera të kundërligjshme mbi 145 shtetas që kanë kaluar me automjete në postblloqet e ngritura. Të njëjtat burime konfirmojnë se postblloqet policore do të vijojnë të qëndrojnë disa ditë me radhë në rrugët e qarkut të Beratit. Kontrollet policore nuk janë përqendruar vetëm në rrugët e qytetit por edhe në bare e lokale që dyshohen për ushtrimin e veprimtarive të paligjshme./CNA.al





Lajmet e fundit nga