web counter
LEXO PA REKLAMA!

SHKARKO APP

App Store
Google Play

E fundit!

x

Meta mesazh ngushëllimi për Nexhmije Pagarushën/ Artiste që bëri histori, humbje e pazëvëndësueshme

7 Shkurt 2020, 11:01, Kulturë CNA

Presidenti Ilir Meta ka shprehur ngushëllime për ndarjen nga jeta të këngëtares Nexhmije Pagarusha.

Në një postim në rrjetet sociale, Meta shkruan se Nexhmije Pagarusha është një artiste që bëri histori, ndërsa humbja e saj është e pazëvëndësueshme.

?Me shumë dhimbje e hidhërim të thellë mora lajmin tragjik të ndarjes nga jeta të Mbretëreshës së këngës shqiptare, artistes sonë të madhe e të papërsëritshme, Nexhmije Pagarusha.
E dashur dhe e admiruar nga të gjitha brezat për vokalin e jashtëzakonshëm, emocionet dhe krenarinë që i dhuroi kombit në dekada, kjo humbje e pazëvendësueshme i ka prekur sot të gjithë shqiptarët dhe admiruesit e saj kudo.
Si artiste që bëri histori në momente të vështira, falë talentit artistik, personalitetit fisnik e të spikatur, Nexhmije Pagarusha, do jetë përherë një model referimi për brezat e rinj të artistëve, një yll i pashuar i muzikës shqiptare, këngët e së cilës do të këndohen përjetë.?-shkruan Meta.

Më tej, kreu i shtetit shkruan se ajo nuk ishte magjike, vetëm në skenë dhe ekran, por në çdo moment të jetës së saj.

?Unë isha fatlum ta njihja nga afër dhe të ndaja me të shumë momente të bukura dhe të paharrueshme. Ajo nuk ishte magjike, vetëm në skenë dhe ekran, por në çdo moment të jetës së saj.
Duke ndarë dhimbjen e thellë për këtë humbje të madhe, u shpreh ngushëllimet më të sinqerta familjes, të afërmve, bashkëpunëtorëve dhe të gjithë artdashësve shqiptarë.
Si një nga përfaqësueset më të mëdhaja të artit e muzikës, e nderuar dhe vlerësuar ndërkombëtarisht, me trashëgiminë e vyer që la pas, Nexhmije Pagarusha do të mbetet e paharruar për të gjithë ne.?-përfundon mesazhin e tij kreu i shtetit.





Lajmet e fundit nga