E fundit!

19:46 Politikë

“Këshilli Kombëtar, kozmetikë e Berishës”/ Spaho: PD do e ketë të pamundur të jetë rivale e PS

Ish-nënkryetari dhe ish-deputeti i PD-së Edmond Spaho ka k...

Ndarja nga jeta e Nexhmije Pagarushës/ Inva Mula: Me dhuroi një nga momentet me të bukura

7 Shkurt 2020, 10:29, Kulturë CNA

Pas lajmit për ndarjen nga jeta të këngëtares Nexhmije Pagarusha, ka ardhur edhe reagimi nga sopranoja Inva Mula.

Në një prononcim për News 24, Inva Mula tha se ajo do të futet tek legjendat e artistëve shqiptarë.

Po ashtu, ajo rrëfeu një nga momentet më të bukura me të kur do të organizonte një koncert për nder të 80- vjetorit të të atit. Inva Mula kërkoi që dhe Nexhmije Pagarusha si mike e të atit të saj të vinte, por i thanë që ishte shumë e sëmurë.

?Për një zonjë të nderuar dhe artiste që bëri histori në kohë të vështira dhe dha guston e bukur të interpretimit të këngës shqiptare me elokuencën e saj, me elegancën, bukurinë e shpirtit, vokalin .

Kam pasur fatin ta njoh dhe ka shënjuar në jetën time, pa ditur se ishte Nexhmije Pagarusha dhe kam thënë si ka mundësi një vajzë kaq e bukur të vijë në Tiranë.

Të nesërmen e pashë në skenë dhe interpretimi ka qenë shumë i bukur. Ajo ka qenë shembull, e kam dashur shumë, e kam takuar vazhdimisht, e kam telefonuar.

Hera e fundit që e kam takuar ka qenë më pak se një vit dhe tani duhet ta shaj dhe veten se po ta dija që ishte e sëmurë rëndë ta takoja përsëri.

Nexhmije Pagarusha do të futet në legjendat e artistëve, në ato legjenda që i krijon koha, personaliteti. Jetë të gjatë emrit të Nexhmije Pagarushës. ?-tha Inva Mula.

Po ashtu, Mula shprehet se shkoi vetë në Prishtinë për t?ia kërkuar të vinte në koncertin për të atin, dhe pavarësisht se ishte në gjendje të rëndë prej sëmundjes së saj u ngrit dhe erdhi në Tiranë për të performuar. Sopranoja shqiptare shprehet se ai ishte një nga momentet më të bukura të jetës së saj dhe ja ofroi pikërisht Nexhmije Pagarusha.

?Ka qenë një moment shumë i bukur kur doja të bëja një koncert me rastin e 80- vjetorit të babait tim.
Shkova vetë në Prishtinë t?i kërkoja Nexhmije Pagarushës të vinte dhe pse ishte shumë e sëmurë.
Udhëtuam bashkë dhe nuk e di ku e gjeti forcën dhe u ngrit dhe erdhi në Tiranë ndërkohë që unë isha shofere. Nuk e di ku e gjeti forcën por shpirti i saj ishte shumë i madh. ?- tha Inva Mula.