web counter
LEXO PA REKLAMA!

SHKARKO APP

App Store
Google Play

“Jetoi qindra jetë dhe mori mijëra kënaqësi”/ Petrit Malaj fjalë të ndjera për humbjen e Xhevdet Ferrit

18 Janar 2020, 18:24, Kulturë CNA

Aktori Petrit Mala, i është bashkuar emrave të shumtë të artit që kanë ndarë dhimbjen për humbjen e parkohëshme nga jeta të aktorit Xhevdet Ferri.

Teksa veçon rolin në shoqëri të Xhodës, siç të gjithë e thërrisnin, si një qytetar shembullor, Mala thekson se  Xhevdet Ferri i përket asaj elite që rikthehet në memorien e të gjithëve pa të të lodhur kurrë.

?Fjalët nuk do të mjaftojnë kurrë për të shprehur dhimbjen e thellë të ikjes së parakohshme të njërit nga ne!

Universiteti i Arteve, familja e madhe me pedagoge e studentë, humbi një tjetër thesar. Një pedagog të ditur, një ish- drejtues të mire, një mik të paçmuar.

Xhevdet Ferri i përket elitës. Asaj elite ku bëjnë pjesë vetëm emra të tillë personazhesh, të cilët kthehen e rikthehen në memorien e të gjithëve pa të lodhur kurrë. Ata gdhenden në kujtesën e kohës dhe fitojnë përjetësinë.

Protagonist në dhjetëra filma, ndër më të suksesshmit, imazhi dhe portreti i tij u kthye e mbeti një emblemë e kinematografisë sonë. E jo vetëm kaq, misioni i tij i hershem por edhe i fundit ishte mësimdhënia. Një profesor i denjë për çdo auditor të artit, në çdo cep të globit. Studentët humben një korife të lojës aktoreske, e kolegët një shembull për t?u pasqyruar.

Njerëz si Xhoda, që vijnë me të tille mision, nuk do të ikin kurrë përgjithmone. Ata thjesht largohen, për t?u kthyer e rikthyer në çdo imazh e në çdo fraze. Në lojën e çdo aktori të ri, e në punën e çdo regjisori, ata mbeten një referim i denjë në çdo epoke!

Në perëndim të çdo jete, e rëndësishme është se si është jetuar. Profesor Xhoda jetoi qindra jetë dhe mori mijëra kënaqësi, duke lënë për në gjurmë të shndritshme të virtyteve të mëdha. Kjo e bën fatlum e të pavdekshëm!

Prehu në paqe i dashur Profesor!?





Lajmet e fundit nga