web counter
LEXO PA REKLAMA!

SHKARKO APP

App Store
Google Play

“Ngatërrove rradhën Xhodë”/ Agim Xhaka fjalë të ndjera për humbjen e Xhevdet Ferrit

16 Janar 2020, 20:04, Kulturë CNA

Gazetari Agim Xhafka, ka shprehur ngushëllimet për humbjen e aktorit Xhevdet Ferri i cili u nda sot nga jeta pas betejës me një sëmundje të rëndë.

Në një reagim në rrjetet sociale, përmes vargjeve të ndjera, Xhafka shkruan se shteti e ka harruar artin, i ka hypur fadromës dhe shëtit si i marrë mbi betoniera, por Xhevdet Ferri ?jeton?, përmes veprave të tij.

?Ngatërrove rradhën Xhodë.Të rrije nga fundi i varganit. Pas vitesh e vitesh duhej të tregoje pasaportën atje te dera e Parajsës. Që të ikje i qeshur,i ngopur,i kënaqur. Por ja që ti i maturi në jetë e në filma kapërxeve klonin dhe u derdhe linkthi drejt errësirës. Të shtyu sëmundja,dhimbja,por mbase motiv kishe dhe filmin,teatrin,skenën,kolegët,artdashësit. Se ajo ndërtesë që po bëhet lakmi e vjedhjes ishte tempulli yt. Me shfaqje që u shiteshin biletat dy javë para. Në atë oborr lëviznin korifej. Tani ruhet nga rrënimi prej misionarësh që fe kanë traditat dhe historinë. Shteti e ka harruar artin. Shteti i ka hypur fadromës dhe shëtit si i marrë mbi betoniera.
E di që nuk më dëgjon. E di që s?ma ve veshin. Por edhe unë nuk po e besoj lajmin. Është fake. Xhevdet Ferri rron. E kam te cd në shtëpi. Siç e kanë mijra familje. Ja,e hapa ?Përrallë nga e kaluara ?. Ja ku je. I ri,I shëndetshëm,i pashëm. Si doje të na lije kur ne të kemi salduar te tv dhe dvd e shtëpive.
Xhodë,më dhembi zemra nga lajmi i zi. Mbase do mësohem me largimin tënd. Ama kur moshatarët e tu vite e vite më pas do ecin avash-avash e me karroca apo bastun ti do u dalësh para si kaçaku i filmit. Do qeshësh e do bësh romuze me ta. Hë mo e bëni dot shurrën,do u thuash.Atëhere ata do të kenë zili ty që në përjetësi do quhesh djalosh. Djalosh dhe bukurosh.
Xhodë,të rrije dhe ca. Që sot më mori malli.?/CNA.al





Lajmet e fundit nga