E fundit!

13:58 Aktualitet

SPAK sekuestron pasurinë në pronësinë indirekte të Belinda Ballukut

Prokuroria e Posaçme ka vendosur masën e sekuestrimit pasu...

Përparim Kabo i nxjerr bojën publikisht ministres/ Sa keq! Ti nuk e njeh Sandër Prosin

7 Janar 2020, 08:25, Kulturë CNA

Profesor Përparim Kabo ka reaguar lidhur me komentin e ministres së Kulturës Elva Margariti në 100 vjetorin e Lindjes së aktorit të madh Aleksandër Prosi në 100 vjetorin e Lindjes së aktorit.

?Kur ishim fëmijë shumë prej nesh mendonin se ai burri i urtë me mjekër të bardhë, në filmin ?Nëntori i Dytë?, ishte me të vërtetë Ismail Qemali. Nuk do të kishte qenë kështu, pa lojën e mrekullueshme të aktorit Sandër Prosi, të cilin e kujtojmë sot në 100-vjetorin e lindjes. Nuk kishte rol të madh apo të vogël për të, ai dinte se si të ishte protagonist, duke mishëruar në mënyrë të përkryer karaktere nga më ekstremet, që nga burri i shtetit te hamalli, nga profesori te luftëtari. Sandër Prosi na ka lënë pas një galeri të rrallë personazhesh, një shkollë aktrimi, një pikë referimi për të gjithë brezat e rinj?, shkruante Margariti në postimin e saj.

Ndërkohë nuk ka munguar as komenti i profesor Kabos i cili i ka nxjerrë ?bojën? ministres teksa i thotë se dikush tjetër e ka njoftuar për këtë përvjetor të 100 pasi postimi i saj ishte bërë nga ora 15:00.

Kabo nuk ndalet me kaq duke i thënë ministres se ndihet i ligështuar sesi një minister kulture është kaq e varfër në vlerësimin e një aktori të këtyre përmasave.

Më tej Kabo shkruan se nëse Sandër Prosi do të ishte gjallë dhe do të takonte ministren, kjo e fundit do të skuqej nga pafuqia e saj përballë kulturës së tij.

?Po lexoj këtë shënim tuaji zonja Ministre dhe Fb tregon se e ke hedhur para 8 oresh, pra diku nga ora 15, dhe e kuptoj pse , dikush të ka njoftuar për këtë datë dhe për këtë përvjetor te 100. Formulimi do doja të mos jete i juaji por i ndonjë punonjësi që meret me faqën, sepse nëse është i juaji, unë ndjehem i ligështuar se si një ministre kulture të jetë kaq e varfër në vlerësimin e një aktori të këtyre përmasave…Ajo hyrja se kur kemi qenë fëmijë…mendonim se Ismail Qemali ishte Aleksandër Prosi, nuk i shkon kësaj stature…Ju keni treguar me këtë formulim se as e njihni cili është Sandër Prosi, ku studjoi dhe për çfarë, si u lidh me teatrin, cilët janë rolet në repertorin Shekspirian, çfarë ka luajtur nga letërsia botrore dhe ajo shqiptare dramaturgjike, cili është kontributi në kinematografi dhe çfarë profili karakterial ai krijoi…

Ju flisni për 100 vjetorin e tij me një lehtësi sikur të flisni jo për një kollos të skenës por për një aktor çfardo. Ju duhet ta nisnit sot ditën e punës me këtë ngjarje. Ju duhet të organizonit një aktivitet. Ju duhet të kishit sot një botim special me foto të tij nëpër role. Ju duhet se paku të kishit organizuar sot një aktivitet përkujtimor…Ju nuk bëtë asgjë asgjë thjesht i thatë dikujt t’ju bënte një tekst dhe t’Ju gjente edhe një foto…Sa keq.

Po a mendoni ju se si do kujtohej 1oo vjetori i Iv Montan në France apo Lorenc Olivierit në Angli, Mastrojanit në Itali apo një aktori të shquar spanjoll suedes apo kudo në botë…Me fal zonja ministre, por kjo sjellje vetëm kulture nuk është, është thjesht një adet në Fb…sa keq. Po të ishte Sander Prosi gjalle dhe të takoheshe me të ju do skuqeshit nga pafuqia juaj përballë kulturës së tij?, shkruan Kabo./CNA.al