E fundit!

16:50 Aktualitet

Siguroi kushtet për të kryer vrasjen e Hajrullës dhe Matodashajt/ GJKKO shpall dënimin për Erio Zejnon

Gjykata e Posaçme ka dënuar me 7.4 vjet burg Erio Zejnon, ...

Shtatë vite pa Roland Trebickën/ Teatri Kombëtar përkujton 73-vjetorin e lindjes së aktorit të madh

18 Janar 2020, 14:56, Kulturë CNA

Teatri Kombëtar ka kujtuar sot 73-vjetorin e lindjes së aktorit të madh Roland Trebicka.

Aktori Roland Trebicka u nda nga jeta në moshën 66-vjeçare. Ai vuante nga një sëmundje e rëndë e cila i mori jetën 7 vite më parë.

Trebicka konsiderohet si një prej aktorëve më të mirë të teatrit shqiptar, me rolet e tij të shumta, teksa është bërë i pavdekshëm me rolin e Jovan Bregut tek komedia ?Pallati 176?.

Roland Trebicka lindi në Korçë më 18 Janar 1947. Karriera e tij si aktor fillon me rolin e Kostës, në filmin ?Debatik?, më 1961. Ndoshta, që këtu e ardhmja e tij ishte vendosur. Humori spontan, i cili i buron dhe në momentet më të vështira u shqua që në kohën e shërbimit ushtarak, ku shërbeu si aktor në Estradën profesioniste të SHQUP (Shtëpia Qendrore e Ushtrisë Popullore), e njohur si ?Estrada e Ushtarit?. Vitet në këtë trupë profesioniste ishin për Trebickën stazhi i nevojshëm, që i hapi më pas rrugën drejt Teatrit Popullor, sot Teatri Kombëtar. U bë anëtar i trupës së Teatrit Kombëtar më 1971dhe punoi aty deri në vitin 1999. Pas një përvoje trevjeçare me kompaninë ?Publimedia?, u kthye në Teatrin Kombëtar. Në jetën e tij artistike, kulmin e suksesit në publik e arriti me rolin e Jovan Bregut në komedinë ?Pallati 176?.

Por rolet e aktorit Roland Trebicka në teatër janë të shumtë. Shikuesit e kujtojnë me nostalgji në rolet e Xhenarinos tek ?Magjia e madhe?, Zganarelit tek ?Don Zhuani?, Hlestakovit tek ?Inspektori? (?Revizori?), te ?Një burrë me trandafil?, ?Ne të gjithë këndonim Margaritën?, ?Darka e të marrëve?, ?Jashtë bie borë?, ?Stjuardesat?, Kontin Almaviva ?Berberi i Seviljes?, Vinsenti ?Të gjithë me huqe?, ?Një tablo absurde?, ?Endrra e Ismail Qemalit? etj. Në vitin 2002, për rolin e Rojës te ?Mbreti po vdes?, Trebicka ishte kandidat për Çmimin ?Aktori më i Mirë Mbështetës? në Festivalin Ndërkombëtar të Teatrit Eksperimental, Kajro.

Ka luajtur edhe në disa filma, ndër të cilët vlen të përmenden “Ëndërr për një karrige” (Vaska) dhe “Koncert në vitin 1936” (Nesti). Për kontributin e tij në skenë, ai është nderuar me titujt “Artist i merituar”, ?Mjeshtër i Madh? dhe së fundmi, Bashkia Korçë i akordoi titullin ?Nder i qytetit?.