web counter
LEXO PA REKLAMA!

SHKARKO APP

App Store
Google Play

E fundit!

x

Humbje e madhe për ikonografinë shqiptare/ Ndahet nga jeta mjeshtri i mozaikëve

6 Shkurt 2020, 22:31, Kulturë CNA

Ndërron jetë në moshën 68 vjeçare mjeshtri i mozaikëve dhe ikonografisë shqiptare Josif Droboniku.

Mësohet se Droboniku është ndarë nga jeta mbrëmjen e djeshme në Bari të Italisë pas betejës me një sëmundje të rëndë.

Lajmin e hidhur e ka dhënë piktorja Mira Kuçuku, e cila i shpreh ngushëllimet familjes së mjeshtrit.

?Piktori dhe ikonografi i njohur në Itali krijoi linjën e vet të mozaikut monumental duke lënë gjurmë në mozaikun kishtar. Një nga autorët kryesorë të mozaikut në fasadën kryesore të muzeut historik filloi rruga e gjatë e artit  monumental deri në ditët e sotme, ku shumë projekte kanë ngelur në mes.
Një familje artistësh që punonin bashkë humbi njeriun e çmuar që la pas një familje të mrekullueshme si dhe shumë vepra monumentale nëpër kishat europiane si dhe një kapitull të veçantë në historinë e artit shqiptar. Të ndristë shpirti i dashur miku im Josif i rrethuar nga engjëjt e bukur të pikturës tënde!?, shkruan ajo në rrjetet sociale.

Josif Droboniku iu kushtoi jetën e tij ikonografisë dhe la pas shumë vepra të njohura, mes të cilave renditet edhe mozaiku i Muzeut Kombëtar.

Ai ka studiuar në liceun artistik dhe Institutin e Lartë të Arteve në Tiranë në degën e Pikturës Monumentale dhe ka lënë gjurmët e tij në muze dhe pallate kulture të qyteteve të ndryshme./ CNA.al





Lajmet e fundit nga