web counter
LEXO PA REKLAMA!

SHKARKO APP

App Store
Google Play

E fundit!

x

Video - Tabaku flet me shifra/ Ja si ka abuzuar qeveria me taksat e shqiptarëve

26 Janar 2020, 11:36, Politikë CNA

Demokratja Jorida Tabaku ka folur me shifra për abuzimin e qeverisëve me taksat e shqiptarëve. Tabaku ka publikuar një video dhe deklaron se abuzimi po rritet çdo vit e më shumë.

Sipas saj, në gjashtë vite ai ka arritur shifrën e 5.9 mld euro, ndërsa duke iu refeuar KLSH-së, thotë se janë mesatarisht 1.2 mld euro në vit abuzime që shkaktojnë dëm ekonomik.

?Tenderat zënë 1/3 e dëmit ekonomik, 1.7 mld euro është vlera totale e dëmit të shkaktuar nga to. 1 në 3 tendera jepen pa garë ndërsa vendi është kthyer në epiqendrën e korrupsionit sipas të gjitha raporteve ndërkombëtare.

Shqiptarët paguajnë taksa më shumë se rajoni dhe kanë korrupsionin më të lartë në rajon. Kosto e korrupsionit sot po lë pa punë shqiptarët, po bjerr buxhetin e shtetit, po lë vendin pa rrugë shkolla e spitale, korrupsioni po gërryen ekonominë, po largon shqiptarët?, shkruan ajo në rrjetet soaciale.

Demokratja tregon se hapat që do shpëtojnë shqiptarët nga sëmundja e korrupsionit janë taksat e ulëta, heqja e burokracive të parëndësishme, zbatimi ligjit dhe beteja për lirinë e tregut. Tabaku pretendon se këto janë hapat që PD dhe opozita do ndërmarrë ditën e parë në pushtet./ CNA.al





Lajmet e fundit nga