E fundit!

11:27 Aktualitet

Ç’punë kanë çunat e Albinit në protestat e Shqipërisë?

Në protestat e zhvilluara gjatë këtyre ditëve në Tiranë ja...

Heshtja për kryebashkiakët e lidhur me krimin/ PD i kërkon llogari Ramës

26 Janar 2020, 11:21, Politikë CNA

Ish deputeti i Partisë Demokratike Klevis Balliu ka ngritur akuza të forta ndaj kryeministrit Edi Rama, teksa foli për kryebashkiakët me të kaluar kriminale apo në lidhje me krimin.

Në një deklaratë për shtyp, Balliu e cilësoi Ramën, si mbrojtësin më të madh të trafikantëve të drogës, fallsifikatorëve, banditëve, hajdutëve, vrasësve dhe narkomanëve që ka emëruar në pushtetin lokal.

Demokrati theksoi se ndonëse opozita i ka denoncuar me dokumenta dhe prova, asnjëri nga kryebashkiakët nuk është shkarkuar nga Edi Rama.

?Edi Rama nuk mbajti asnjë përgjegjësi politike për Valdrin Pjetrin e Shkodrës apo Agim Kajmakun e Vorës, ndërkohë që vazhdojnë të jenë në krye të detyrës hajdutë si Mark Babani i Vaut të Dejës, i dënuari në Greqi Qerim Ismailaj. Pengje të krimit dhe korrupsionit, si Fatos Tushe i Lushnjës apo narkomanë si Lefter Alla i Bulqizës. Të gjithë këta duhet të jenë para drejtësisë, por janë akoma në zyrat e shtetit me vullnetin ë Edi Ramës, sepse Edi Rama ka zgjedhur t?i mbrojë dhe jo t?i shkarkojë?, u shpreh ai.

Ish deputeti thotë se kryeministri po i mbron kryebashkiakët e lidhur me krimin, pasi pretendon se vetëm me këta mund të qeverisë në Parlament dhe në bashki.

?Në këtë Vendim strategjik për të bashkëqeverisur me krimin, Edi Rama ndihmohet nga drejtësia e kapur nga vëllezërit, motrat, kunetërit e ministrave dhe deputetëve të pushtetit të inkriminuar dhe korruptuar.

Edi Rama mbron sot kriminelët e emëruar në bashki, pasi ata janë aleatët e vetëm që i kanë mbetur. Por janë pikërisht këta kriminelë rrezik për qytetarët e vendit, janë kërcënim i sigurisë publike. Edi Rama dhe krimi sot janë një. Shkatërrimi i krimit është shkatërrimi i Ramës. Ndaj sot Edi Rama ka zgjedhur kodin e heshtjes për çdo kryebashkiak të kapur nga dekriminalizimi.

Heshtja dhe mosveprimi i Edi Ramës ndaj çdo denoncimi është një tjetër dëshmi që përzgjedhja e tyre është bërë për shkak të cilësive dhe lidhjeve të tyre me krimin. Ky është modeli, ekipi qeverisës dhe alternativa që Edi Rama u ofron shqiptarëve! Zhbërja e këtij modeli është jetik për vendin! Duke larguar Edi Ramën, shqiptarët kanë mundësi të zgjedhin një qeveri të ndarë nga krimi, një qeveri të punojë për ta dhe mirëqenien e fëmijëve të tyre?, theksoi Balliu./ CNA.al