E fundit!

11:17 Aktualitet

“Albanian Files”/ Klodjan Braho: Askush nuk është imun për SPAK, nëse dikush ka prova t’i depozitojë

Nga opozita në Komisionin për Nismat Qytetare, kreu i SPAK...

Që PD dhe LSI të regjistrohen në zgjedhje u duhet një deputet ose nënshkrimet e votuesve besnikë

25 Janar 2020, 18:22, Politikë CNA

LSI ka rekrutuar së fundi deputetin e Kurbinit, Gjetan Gjetani, të përjashtuar pak kohë më parë nga Partia Socialiste.

Gjetani edhe i ka “shpjeguar” rrethanat në një intervistë elokuente për News 24.

Duket se një rol të madh në vendimmarrjen e Gjetanit ka luajtur tërmeti!?

?Ideja ka lindur pas periudhës së tërmetit, në atë moment kuptova se Rama nuk po reflekton për zonën e Kurbinit në mënyrë absolute. Nuk e kisha vendos që të kaloj në asnjë parti, qëllimi im ishte që të përfundonte legjislatura, mandati dhe të merrem me punët e mia private. Por më ka habitur mllefi që ka z.Rama për Kurbinin dhe për qytetarët e Kurbinit. Kjo ishte aryseja që unë mendova të bëj një lëvizje të kaloj në një parti tjetër?, ka thënë Gjetani.

Me fjalë të tjera, nëse nuk do kish patur tërmet, ky vendim i Gjetanit mundet të mos ish marrë kurrë.

Është e pakuptueshme se çfarë roli do ketë në tejkalimin e pasojave të tërmetit, anëtarësimi i Gjetanit tek LSI, por një gjë është e qartë: LSI nëse do ketë zgjedhje, kur të ketë zgjedhje, do regjistrohet si subjekt zgjedhor.

Për këtë i duhet të paktën një deputet me siglën e LSI. Ndryshe do i duhet të mbledhë firma votuesish.

Tërmeti me sa duket, e bëri një të mirë. I ofroi LSI-së një “kokër”r deputeti. Aq sa duhet që Monika mos nxjerri Tit Vasilin rrugëve për të siguruar nënshkrime mbështetësish.

Të shohim se si do e zgjidhi nga ana e tij Lulzim Basha këtë punën e nënshkrimeve që do i duhen. Urojmë që ndonjë deputet i grupit demokrat, që po punon ende si i infiltruar duke ju gëzuar inteligjencës së vet dhe asaj të liderit që i lindi ideja e infiltrimit, të mos jetë duke pritur një tërmet tjetër për të shpallur vendimin.

Sidoqoftë vetëm kur i infiltuari do të vendosë të bëjë outting, atëherë mund të kuptojmë që zgjedhjet janë nja 6 muaj larg.

Sa kohë që as pas dy tërmeteve, asnjë nga brenda grupit demokrat, s’po rilidhet me sigël me PD-në, zgjedhjet nuk janë afër.

Veç nëse Luli kësaj radhe, i ka dhënë fjalën Ramës që kur të hyjë në zgjedhje do i ofrojë jo vetëm fitoren e sigurtë, por edhe listat e detajuara të votuesve të bindur të PD. Në atë rast, do i duhet të nxjerri Gazin që të mbledhi nënshkrimet që i duhen për të regjistruar PD-në në zgjedhje./CNA.al