web counter
LEXO PA REKLAMA!

SHKARKO APP

App Store
Google Play

E fundit!

x

Qorri dështoi përfundimisht me minierat, minatorët folën vetë

25 Janar 2020, 10:17, Politikë CNA

Ka dështuar përfundimisht kauza e Organizatës Politike të Arlind Qorrit në Bulqizë.

Protesta që neo-komunisti u mundua të krijonte artificialisht mbi një kauzë dhe problematikë të pa qenë për minatorët ka rënë, duke u fikur me të njëjtën shpejtësi që u ndez.

Lëvizja e Qorrit dëshmoi edhe një herë se ishte një lëvizje e paguar nga mafia famëkeqe e kromit dhe nga biznesmenë të pandershëm të kromit, për t?u vënë gjobë bizneseve të tjera rivale dhe për të shkatërruar mjedisin e shëndoshë të të bërit biznes.

Kanë qenë vetë minatorët, ata që duhej të ishin fronti i parë i betejës së Qorrit, ata që e lanë në baltë.

Minatorët e Bulqizës, në fakt, sipas informacioneve që CNA ka, e konfirmuan sot në mënyrë unanime se janë një shumicë absolute, dhe se janë tërësisht të anëtarësuar në sindikatën e tyre, që është Feferata Sindikale e Punonjësve të Industrisë së Shqipërisë dhe jo në sindikatën artificiale me 4 vetë që Qorri u mundua të krijonte për të bërë lojën e bandave të kromit, që me sa duket tani janë penduar edhe që e kanë paguar.

Punonjësit e kanë zgjedhur vetë ligjërisht Federatën Sindikale dhe e rikonfirmuan sot me votën e tyre.

Sot që flasim, në Bulqizë prej 2 muajsh nuk ka më asnjë protestë, sepse minatorët vazhdojnë punën e tyre të përditshme dhe të qëndrueshme, pasi kuptuan se s?mund të vinte një i punësuar luksi nga Tirana, si pedagogu Qorri që paguhet me taksat e qytetarëve shqiptarë në universitetin publik, dhe t?u thoshte bëhuni ?kurban? për mua, që ju të mbeteni pa punë, kurse unë të marr dhe të gëzoj paratë e përgjakura dhe të pista të mafies së kromit.

Edhe një herë, Lëvizjet e Arlind Qorrit treguan që i kanë themelet e dobëta, sepse ngrihen jo mbi kauza reale apo ideale, por mbi gjoba e sulme ndaj biznesit privat.

Nëse etërit shpirtërore të Qorrit donin të vendosnin diktaturën e proletariatit duke e shpronësuar me dhunë biznesin privat, Qorri i sotëm, e ka degjeneruar kauzën e tij komuniste në një aferë korruptive, duke u bërë leva zgjatuese e disa bizneseve apo linjave politike, që e aktivizojnë për interesat e tyre në momente të caktuara dhe më pas kur e shohin se ka dështuar, e flakin tutje, duke e diskredituar dhe duke e bërë edhe më qesharak.

Edhe sa kohë do të presë rektori i Universitetit të Tiranës për ta shkarkuar këtë anarkist, që synon destabilizimin e vendit, dhe bën propagandë në aulat e universiteti publik për të manipuluar me demagogji dhe për të përdorur studentët e pafajshëm si mish për top kundër sistemit demokratik?

I nderuar zoti rektor i Universitetit të Tiranës, ne nuk i japim taksat tona që Qorri të na shkatërrojë vendin, ndaj nëse nuk merrni masa ndaj tij, do të mendojmë se edhe ju jeni bashkëpunëtor në këtë maskaradë./ CNA.al





Lajmet e fundit nga