Lirimi i Indrit Dokles/ Gjonaj “shuplakë” gjyqtares

25 Janar 2020, 17:46, Politikë CNA

Lajmi i lirimit të anëtarit të bandës së Durrësit Indrit Dokles bëri bujë në media, pasi ishte i dënuar me burgim të përjetshëm.

Vendimin e gjyqtares Enkeleda Hoxhaj, ministrja e Drejtësisë Etilda Gjonaj, e ka cilësuar si të paligjshëm, ndërsa thekson se është se për lirimin është sinjalizuar kohë më parë dhe ka shprehur shqetësimin.

?Për çështjen Dokle ne kemi pasur një sinjalizim dhe më herët nga drejtoria e burgjeve dhe e shërbimit të provës ku ka pasur një indicie të cilën e kemi referuar si shqetësim tek institucionet e drejtësisë. Ka qenë një indicie që mund të lirohej subjekti. Kur është dhënë vendimi nga gjyqtarja kam filluar një hetim administrativ. Nga verifikimi paraprak që kemi kryer ka rezultuar që vendimi i gjyqtares është marrë në kundërshtim me kodin penal dhe vendimet unifikuese të Gjykatës së Lartë. I jam drejtuar të gjitha institucioneve të drejtësisë edhe KLGJ që të marrë menjëherë masën për pezullimin e gjyqtares dhe KLP dhe ONM me qëllim që këtë gjyqtare apo subjekte të tjera t?i përfshijnë në mënyrë prioritare për vetting?, u shpreh ministrja në emisionin ?Kjo javë?.

Më tej ajo theksoi se marrjen e një vendimi të tillë nuk mund ta parandalojë, pasi nuk është rasti i parë.

?Nuk është rasti i parë. Nëse ka pasur një reagim të fortë nga ana ime ka qenë pikërisht që këto fenomene të parandalohen. Ka pasur me të njëjtën gjyqtare të njëjtën situatë. E njëjta situatë dhe me gjyqtarë të tjerë që kanë dhënë vendime të paligjshme për të cilët ministria e drejtësisë ka dhënë sinjalizimin por është kërkuar dhe procedim disiplinor. Por është një aspekt që Ministria e Drejtësisë nuk mund ta parandalojë. Unë kam nxjerrë urdhra që detyrojnë Drejtorinë e Burgjeve dhe shërbimit të provës që të informojnë për kërkesat që çojnë në gjykatë për të informuar për ato subjekte që janë të dënuar me mbi 15 vite burg?, u shpreh ajo.

Gjonaj tregoi se për këtë rast ka pezulluar zyrtarin përgjegjës.

?Situata e burgjeve nuk është se lindi sot me të njëjtën problematikë. Dhe në rastin e Dokles kishte një cedim, një shkelje nga drejtori i shërbimit të provës në burgun e Fushë-Krujës dhe ndaj u pezullua por ka pasur dhe një kallëzim penal ndaj tij për raportin e paraqitur?, deklaroi ministrja, teksa nënvizoi se këto janë vendimmarrje në kundërshtim me ligjin dhe me kodin penal./ CNA.al