web counter
LEXO PA REKLAMA!

SHKARKO APP

App Store
Google Play

E fundit!

x

Bëmat e gjyqtarit që u shkarkua nga KLD/ Pas rikthimit, përfshihet në skandalin e pronave

13 Janar 2020, 10:30, Vetingu CNA

Procesi i Vettingut ka shërbyer për të faktuar skandalet në sistemin e drejtësisë.

Deri më tani janë shkarkuar gati gjysma e gjyqtarëve dhe prokurorëve dhe pritet që SPAK të merret më tej, me ta.

Gjyqtari i Shkodrës Albano Çepele është një nga subjektet e listuara për këtë fazë nga Komisioni i Pavarur i Kualifikimit.

Sa i përket pasurisë, si burim të ardhurash ai deklaorn vetëm pagën e tij, ndërkohë ndër vite ka radhitur shifra jo të uleta, por nga mënyra se si ka shkruar nuk kuptohet.

Në vitin 2014, gjyqtari  Çepele, është shkarkuar nga Këshilli i Lartë i Drejtësisë , pas propozimit të Ministrit të Drejtësisë në atë kohë, Nasip Naço për procedim disiplinor për moszbardhjë të  34 vendimeve gjyqësore në kohë.

Pas shkarkimit në 15 prill 2014 në mbledhjen e KLD-së të drejtuar nga presidenti Bujar Nishani, Çepele e ka çuar çështjen në Gjykatën e Lartë, e ndërsa kjo e fundit ka vendosur që çështja e gjyqtarit të rikthehet edhe një herë për shqyrtim.

Ai është rikthyer në vitin 2017 në detyrë dhe sërish emri i tij ka pushtuar mediat.

Në vitin 2017, emisioni investigativ  ?Fiks Fare?  ka denoncuar skandalin e gjyqtarit Albano Çepele.

Ky i fundit rezultontë të kishte dhënë tre vendime me të njëjtin objekt padie, duke nxjerrë dy pronarë për të njëjtën pronë, pikërisht për dy dyqane.

Tre gjyqet ishin zhvilluar në një hark kohor prej tetë muajsh nga gjyqtari Albano Çepele, ndërkohë që në tria rastet, palë ka qenë Enti Kombëtar i Banesave, për të cilin ishte ankuar edhe qytetari D. Preka, shkruan CNA.al.

Në gjyqin e parë, fitues ka dalë D. Preka, i cili deklaron se nuk ka bërë kurrë padi dhe nuk e dinte se kishte fituar një gjyq për dyqanet që ka në përdorim prej 20 vitesh. Në gjyqin e dytë, i paditur rezulton një person i cili nuk ekziston, ndërsa në gjyqin e tretë, ka fituar një ish-anëtar i këshillit bashkiak në Shkodër. Pra, për të njëjtin objekt, gjyqtari Albano Çepele ka nxjerrë dy fitues në dy vendime të ndryshme, ndërkohë që të dyja këto vendime, ishin ne fuqi.

Më poshtë po sjellim deklaratat e pasurisë të gjyqtarit, Albano Çepele.

Viti 2003

Të ardhura nga paga si gjyqtar në shumën 0,062 milion lekë.

Viti 2004

Të ardhura nga paga si gjyqtar në shumën 780 000 lekë.

Të ardhura nga pensioni i babait, 156 000 lekë.

Viti 2005

(Nuk kuptohet se çfarë shkruan), por deklaron shumën 5 000 euro.

Të ardhura në shumën 600 000 lekë. (nuk kuptohet), ndërsa më tej deklaron pensionin e babait në shumën 173 000 lekë.

Hua, në shumën 30 000 euro, (Nuk kuptohen sqarimet që ka dhënë).

Viti 2006

Banesë me sip 86.8 m2 me vlerë 30 000 euro.

Më tej deklaron shumar, 5 000 dollarë,  5 000 euro, 200 000 lekë, por sqarimet që ai ka dhënë nuk lexohen, janë të pakuptueshme.

Nga huaja 30 000 euro, janë paguar 10 000 euro.

Viti 2007

70 000 lekë përfituar nga rroga.

20 000 euro, hua për ap. Janë paguar 4 000 euro.

Viti 2008

Tërhequr të ardhurat nga paga në shumën 220 000 lekë. Kanë mbetur edhe 56 768 lekë.

Nga 16 000 euro e mbetua hua, është paguar shuma 5 000 euro, ndërsa pa shlyer 11 000 euro.

Viti 2009

Tërhequr të ardhurat nga paga në shumën 236 000 lekë. Kanë mbetur edhe 567 96  73 lekë.

Nga 11 000 euro e mbetua hua, është paguar shuma 4 500 euro, ndërsa pa shlyer 6 500 euro.

Viti 2010

Mbetje nga të ardhurat e rrogës në shumën 56 899 lekë.

Nga 6 500 euro e mbetua hua, është paguar shuma 3 500 euro, ndërsa pa shlyer 3 000 euro.

Viti 2011

Të ardhura nga paga, në shumën 1 191 471 lekë.

Është shlyer tërësisht huaja e marrë për ap.

Të ardhura nga puna në shumën 4 000 dollarë.

Viti 2012

Të ardhura të kursyera nga rroga në shumën 6 000 USD.

Paga e subjektit deklarues në shumën 1 191 471 .

Viti 2013

Të ardhura të kursyera nga paga në shumën 7 000 USD.

Paga e subjektit deklarues në shumën 1 316 658 lekë.

Viti 2014

Shpenzime familjare në shumën  4 000 USD.

Të ardhura nga paga, janar, shkurt, mars 2014, kur janë ndërprerë marrëdhëniet në punë, pas vendimit për shkarkim nga KLD në shumën 385 600 lekë.

Pensioni i nënës në shumën 360 000 lekë.

Viti 2014 (Deklaratë pas largimit nga detyra)

Të ardhura të kursyera nga paga në shumën 1 500 dollarë.

Të ardhura nga paga në shumën  361 327 lekë.

Viti 2016 (Deklaratë para fillimit të detyrës)

Ap me sip 86 m2, blerë në vititn 2005 me vlerë 30 000 euro.

Viti 2017

Të ardhura nga paga mujore në shumën 503 031 10 lekë.

Viti 2018

Kursime nga të ardhurat e pagës në shumën 714683.33 lekë.

Të ardhura nga paga si gjyqtar në shumën 121 0034 lekë./CNA.al





Lajmet e fundit nga