web counter
LEXO PA REKLAMA!

SHKARKO APP

App Store
Google Play

Fshehu pasurinë/ Gjyqtarja e Antikorrupsionit drejt shkarkimit?

13 Janar 2020, 11:40, Vetingu CNA

Gjyqtarja e Gjykatës së Posaçme, Marsela Balili ka dalë sot në seancën dëgjimore para Komisionit të Pavarur i Kualifikimit .

Për Balilin, hetimi është kryer në kriterin e pasurisë dhe për ta justifikuar gjyqtarja dorëzoi një vërtetim punësimi të prindit të saj në SHBA.

Më tej ajo njoftoi KPK-në , se ishte në pritje të dokumenteve të tjera nga Gjermania.

Më herët Balili kishte kërkuar hetim edhe për dy kriteret  e tjera, por KPK e kishte rrëzuar kërkesën e saj.

Raportohet se ILDKPKI ka dorëzuar në KPK një raport me konstatimin se deklarimi nuk është i saktë dhe në përputhje me ligjin.

Sipas të njëjtit raport, gjyqtarja Balili ka kryer fshehje të pasurisë dhe deklarim të rremë.

CNA.al ka zbardhur më herët pasurinë e gjyqtares, ku rezulton se ka në pronësi të gjyqtares, janë një apartament duplex në Tiranë, i blerë për 125 mijë euro në vitin 2012. Por, sipas KPK, ka mospërputhje për blerjen dhe pagimin e kësteve për këtë apartament.  Gjithashtu është konstatuar se ka ndryshim në çmim dhe akt-marrëveshje.

Ndër të tjera gjyqtarja ka deklaruar një  makinë ?Ford Fiesta?, blerë në vitin 2012 për 4 mijë euro. Por edhe pasuri është kontestuar nga KPK.

Një tjetër pasuri e kontestuar është edhe një llogari në lekë e dollarë pranë një banke, e cila është hapur në vitin 2014. Burim është deklaruar nga dhurimet e prindërve.

Nga hetimi i KPK, ka rezultuar se subjekti dhe bashkëshorti kanë mungesë financiare.

Edhe një shumë parash për blerjen e një apartamenti në Vlorë, për të cilin gjyqtarja thotë se ia ka marrë babait, është kontestuar nga KPK./CNA.al





Lajmet e fundit nga