web counter
LEXO PA REKLAMA!

SHKARKO APP

App Store
Google Play

Basha mbledh Aleatët/ Alibia se “fajin e ka sistemi”, ka dështuar

8 Janar 2020, 18:05, Politikë CNA

Kreu i Partisë Demokratike, Lulzim Basha, ka folur për mediat para takimit me Aleatët në selinë blu.

Basha tha se cilido sistem të zgjidhet do të dështojë nëse nuk garantohet ndarja e politikës nga krimi, ndalja e blerjes së votave dhe ndëshkimi i krimeve zgjedhore nga një drejtësi e pavarur.

Fajin nuk e ka sistemi, tha kryedemokrati, dhe kjo alibi është e dështuar.

Sipas Bashës, vendi është në krizë të thellë politike, dhe se alibia ?fajin e ka sistemi?, ka dështuar.

Kam qenë dhe jam i hapur dhe e kemi shprehur për të diskutuar me të gjithë qytetarët se cili sistem zgjedhor do të aplikohet. Nisur nga praktikat e 7 viteve të fundit mund të themi se cilido sistem do të dështojnë nëse nuk garantojmë ndarjen e zgjedhjeve nga krimi.

Alibia se fajin e ka sistemi mund të kthehet në një shtojcë të propagandës së Ramës, për kapjen e gjithë kupolës së PS duke blerë vota. Shqipëria sot është në një krizë emigracioni. Unë zgjedh të besoj Bundestagun dhe jo Ramën. Vendi është në një krizë të thellë politike.

Këtë shqiptarët e ndjejnë në lëkurën e tyre. Këtë shqiptarët e ndjejnë në mungesën e theksuar të shtetit. Sot janë braktisur mijëra familje. Pushteti i tij personal e ka zhytur vendin në një krize legjitimiteti. Axhenda ime është ekonomia, dinjiteti dhe mirëqenia e çdo shqiptari. Në funksion të kësaj jemi gati të hedhim çdo hap”, tha Basha./CNA.al

 





Lajmet e fundit nga