Rritja e numrit të emigrantëve/ Shehi: Rama punon vetëm me biznesmenët e mëdhenj

6 Janar 2020, 21:05, Politikë CNA

Kryetari i LZHK, Dashamir Shehi, i ftuar në studion e Report tv, ka folur në lidhje me situatën në Shqipëri përgjatë vitit 2019, ku edhe u shpreh se ky vit ka qenë një vit i keq për Shqipërinë, kryesisht për ngjarjen e 26 nëntorit, por edhe për çështje të tjera politike, si mosfunksionimi i saktë i parlamentit, kriza e institucioneve, rënia e ekonomisë, korrupsioni në sistemin e drejtësisë dhe çështja më shqetësuese tek e cila Shehi u ndal më tepër, është rritja e emigracionit.

?Qe një vit i keq për Shqipërinë se ju vu kapaku me një tërmet që bëri dëme që do vazhdojnë për vite. Bëmë zgjedhje që nuk ishin zgjedhje, pluralizëm për herë të parë. As zgjedhje as zgjidhje. Parlamenti shqiptar ngeli pa opozitë, a bëmë mirë a keq do e sqarojë koha. Ne u munduam të bëjmë mirë pasi ja vlen ta ndryshojmë lojën por institucionet shqiptare po funksionojnë më keq. Forcat politike i kanë futur duart edhe brenda institucioneve të drejtësisë. Ekonomia shqiptare është keq me parashikimet, me treguesit makroekonomik, po rendohet borxhi i brendshëm, borxhe që nuk i llogarisim, shumica e projekteve janë të kushtëzuara dhe rikompensohen nga buxheti i shtetit. Po të manipulosh me shifrat çfarë nuk del. Dëgjova se janë rritur me 7 përqind shifrat e investimeve por kjo është e pabesueshme?, tha Shehi.

Në lidhje me largimin e shqiptarëve nga vendi i tyre, Shehi u shpreh se gjatë qeverisjes së Ramës shifrat janë shtuar, pasi kushtet aktuale në Shqipëri janë më të rënduara se 6 vite më parë. Korrupsioni, padrejtësia, dhuna dhe kryesisht pagat e ulëta janë shkaqet kryesore për emigrimin masiv të qytetarëve.

Shehi u shpreh se qeveria e Ramës po punon vetëm me disa biznsmenë të fuqishëm, duke i lënë të tjerët jashtë loje, me qëllimin e vetëm të mos rritjes së pagave.

?Në realitetin shqiptar, 90 përqind e të larguarve kanë probleme. 5-6 vitet e fundit kanë ikur shumë shqiptar. Liberalizimi ka ndodhur në 2009, mirëpo tani është kulmuar. Atëherë ishte një sukses. Ikja vjen nga mungesa e punës, nga korrupsioni, nga puna që nuk paguhet. Mundon shtresa e mesme. Kemi të pasurit dhe klasa e varfër. Kjo qeveri e ka kulmuar se punon vetëm për 10-20 biznesmenë të mëdhenj dhe të gjithë i konsideron të paaftë. Kështu nuk rriten rrogat. Kjo qeveri nuk i rriti rrogat. Prandaj kanë të gjithë dëshirën për t?u larguar. Shumica do kishin ndenjur në Shqipëri. Jetojmë në një ambient dhune, padrejtësie, korrupsioni?, tha ndër të tjera Dashamir Shehi./CNA.al