web counter
LEXO PA REKLAMA!

SHKARKO APP

App Store
Google Play

E fundit!

x

Sulmi ndaj Lubonjës/ Vokshi-Prokurorisë: Arresto Ramën dhe autorët

6 Janar 2020, 19:01, Politikë CNA

Ish-deputetja e Partisë Demokratike, Albana Vokshi ka dënuar me forcë sulmin ndaj analistit Fatos Lubonja, të cilit i kanë goditur makinën, për të dytën herë brenda pak muajve.

Vokshi ngre akuzat se sulmi është frymëzuar dhe paralajmëruar personalisht nga kryeministri Edi Rama, ndaj Lubonjës, të cilin e quan qëndrestar të përhershëm të së vërtetës.

?Sulmet të tilla kriminale janë frymëzuar dhe paralajmëruar personalisht nga Edi Rama, që disa ditë më parë kërcënoi analistët dhe gazetarët me shprehjen ?mos na detyroni të bëjmë atë që s?ua rrok imagjinata?. E ky fillim viti, ashtu siç pritej, nisi me sulme te orkestruara ndaj nje prej zerave më të fuqishem te se vertetes?, shkruan ish-deputetja në një postim në rrjetet sociale.

Demokratja shkon më tej duke u shprehur se, ?ky akt skandaloz i bërë fshehtas e me burracakëri, është dëshmi se Edi Rama ka filluar të aplikojë vullnetin e tij për të hequr qafe ‘ate qen analist’?.

?Sulmet e përsëritura ndaj analistit Fatos Lubonja, nëpërmjet dhunimit të përsëritur të automjetit të tij, janë tregues alarmantë për gjëndjen e lirisë së shtypit dhe sigurinë e gazetarëve në Shqipëri. Ngjarje të tilla provojnë se nuk ka media dhe fjalë të lirë me Edi Ramen Kryeministër?, theksoi më tej Vokshi.

Ish-deputetja, në emër të Partisë Demokratike, kërkon që Prokuroria të nisë menjëherë hetimet dhe të vërë përpara përgjegjësisë autorët dhe frymëzuesit e këtij akti të përsëritur./ CNA.al





Lajmet e fundit nga