web counter
LEXO PA REKLAMA!

SHKARKO APP

App Store
Google Play

Atentati ndaj Fatos Tushes/ Hoxha: Prokurori e ka zbardhur ngjarjen

6 Janar 2020, 17:52, Politikë CNA

Gazetari Artan Hoxha deklaroi se ky vit nuk ka filluar mirë, kur po fliste për atentatin e mbetur në tentativë ndaj kryebashkiakut të Lushnjes Fatos Tushes.

Hoxha tha se institucionet e drejtësisë i kanë marrë pamjet filmike dhe e kanë zbardhur si ngjarje, por i akuzoi për mos veprim.

?Përsa i përket ngjarjeve të Lushnjes, për fat të keq, ne jemi një javë më vonë pasi ka ndodhur, është një ngjarje me kamera sigurie, që domethënë e kanë si film, është një ngjarje e zbardhur për prokurorin. E provuar si ngjarje, dihet se kush është, dhe të mos e kapësh dot, lë shumë për të dëshiruar. Në Lushnje dihet kush vret, dhe nuk kapin dot vrasësit, mos të kapësh edhe këtë të kryetarit të bashkisë dhe të mos reagosh?, ngriti pyetjen gazetari në studion e ABC News, ndërsa theksoi se ka dyshime të forta se motivin e di edhe vetë Tushe.

?Kush e ka penguar atë ditë policinë e shtetit të ngrinte në ajër helikopterin. Për çfarë e kemi helikopterin? Nga keq organizimi, apo keq menaxhimi i situatës?. Nuk dua të spekuloj sepse është ende herët, kryetari i bashkisë është rikthyer përsëri në zyrë. Dyshimet janë shumë të forta që kemi të bëjmë me një motiv të cilin nuk e thotë as kryetari i bashkisë, sepse pret ta thotë drejtësia, ndërkohë që drejtësia nuk ka kapur shoferin e tij. Kemi  një kryetar bashkie të mazhorancës të nëpërkëmbur e të tronditur, kemi një autor të pakapur vërdallë nëpër Shqipëri. Uroj që herët e tjera të vijmë me diçka më pozitive?, u shpreh Hoxha./ CNA.al





Lajmet e fundit nga