web counter
LEXO PA REKLAMA!

SHKARKO APP

App Store
Google Play

E fundit!

x

Manjani në kërkim të fytyrave të reja/ Kundërpërgjigjet Kryemadhi

6 Janar 2020, 15:34, Politikë CNA

Kryetarja e LSI-së Monika Krymadhi, e ftuar në ?Top Talk?, teksa u pyet lidhur me deklaratat e ish ministrit të Drejtësisë, Ylli Manjani, i cili në një status të tij shkruante, se politika ka nevojë për figura të reja, duke nënkuptuar se opozita ka krijuar një realitet virtual, sikur njerëzit e mbështesin, u shpeh se Manjani ka te drejtë.

?Jam shumë dakort me këtë që thotë Manjani. Sepse konventa e ditës së shtunë pikërisht këtë thotë, që ne si Lëvizje Socialiste për Integrim, pra unë, zoti Manjani, zoti Vasili, Luan Rama e të gjithë të tjerët, po themi në investimin tonë , unë 15 vjeçar, zoti Manjani 6 vjeçar, zoti Luan Rama 8 vjeçar, zoti Vasili 15 vjeçar e shumë të tjerë, po ua japim investimin tonë në Lëvizjen Socialiste për Integrim, disa fytyrave të reja që të vijnë dhe ta marrin.

Dhe dyert janë të hapura për të kandiduar për deputetë, për administratë, për komisionet politike të Lëvizjes Socialiste për Integrim dhe pse jo dhe drejtues të partisë. Dhe ajo që unë mendoj, që ndoshta kemi edhe një keqkuptim nga ju, është që të largojmë fytyrat e vjetra, sepse ne që kemi qeverisur nuk kemi më pse të rrimë vërdallë dhe t?u imponohemi të tjerëve. Hajde t?u hapim rrugën djemve dhe vajzave të reja. Është shumë inovative kjo që thoni… Është inovative, por ka nevojë edhe për një strukturë eksperience dhe profesionalizmi. Pse? Sepse në qoftë se ne në LSI kemi shumë të rinj dhe të reja dhe do t?iu mungojë ana profesionale, atëherë prandaj dhe ne kërkojmë hapjen e partisë, për të përfshirë njerëz që janë jashtë partive politike, vijnë nga bota akademike, nga një botë në të cilën kanë krijuar karrierën e tyre profesionale, për ta rigjetur veten dhe për të bërë edhe ndryshimet që duhen bërë. Sepse nëse ti nuk beson te Monika, do ta lësh fatin tënd në dorë të Monikës apo do të vish ta ndryshosh? Do ta ndryshosh dhe kjo është hapja e partisë?, është shprehur Kryemadhi./CNA.al





Lajmet e fundit nga