web counter
LEXO PA REKLAMA!

SHKARKO APP

App Store
Google Play

Qëlluan me armë zjarri në ajër/ E pësojnë keq gjashtë adoleshentët

4 Janar 2020, 10:34, Kronika CNA

Gjashtë adoleshentë janë proceduar penalisht nga Policia e Shkodrës, pasi akuzohen se kanë qëlluar me armë zjarri në ajër, në fshatin Hot i Ri.

Sipas uniformave blu, një 16-vjeçar është vënë në pranga, një 15-vjeçar është shpallur në kërkim, si dhe janë proceduar  në gjendje të lirë 4 adoleshentë të moshës 15 e 16 vjeç, për prishje të rendit e qetësisë publike.

Gjithashtu është sekuestruar edhe arma e zjarrit kallashnikov, më të cilën adoleshentët kanë qëlluar në ajër.

?Në Sallën Operative të Drejtorisë Vendore të Policisë Shkodër kanë ardhur telefonata nga banorët se midis fshatit Hot i Ri dhe Grudë e Re po qëllohej me armë zjarri nga disa adoleshentë.

Me marrjen e informacionit, është organizuar puna duke ngritur një grup drejtimi për shërbimet e Policisë që do shkonin në vendngjarje, për shkak se personat që qëllonin ishin adoleshentë, me qëllim që gjatë ndërhyrjes së Policisë të mos kishte pasoja.

Forcat ?Shqiponjat? dhe disa Patrulla të Përgjitshshme, nën drejtimin e grupit të drejtimit, shkuan në fshatin Hot i Ri, lokalizuan vendin dhe me profesionalizëm neutralizuan adoleshentët, njëri prej të cilëve mundi të largohej.

Shërbimet e Policisë, në vendin e ngjarjes, gjetën dhe sekuestruan një armë zjarri automatik, e cila rezultoi se i përkiste shtetasit E. Z..

Në vijim të veprimeve u bë arrestimi në flagrancë i shtetasit E. Z., 16 vjeç, banues në fshatin Grudë e Re, për veprat penale ?Armëmbajtja pa leje? dhe ?Prishja e rendit dhe qetësisë publike?.

Në lidhje me këtë ngjarje është bërë shpallja në kërkim e shtetasit K. F., 15 vjeç, banues në fshatin Grude e Re, të Bashkisë Shkodër, për veprat penale ?Armëmbajtja pa leje? dhe ?Prishja e rendit dhe qetësisë publike?.

Gjithashtu, janë proceduar penalisht në gjendje të lirë edhe katër adoleshentë të tjerë, të moshës 15 e 16 vjeç, për veprën penale ?Prishja e rendit dhe qetësisë publike?.?-thuhet në njoftimin e policisë./ CNA.al





Lajmet e fundit nga