web counter
LEXO PA REKLAMA!

SHKARKO APP

E fundit!

x

Vrasja tragjike e çiftit në Australi/ Dhëndri, djali i shqiptarit të njohur

3 Janar 2020, 08:54, Kronika CNA

Detaje të reja kanë dalë në dritë nga mediat australiane për tragjedinë shqiptare ku babai vrau vajzën dhe dhëndrin në shtëpinë e tyre në prag të festimeve, mbrëmjen e 31 dhjetorit.

Mësohet se dhëndrri 29-vjeçar Veton Musai ishte djali i ish-kryetarit të Komunitetit Shqiptar në Australi, Alil Musai, i cili emigroi në Australi nga Maqedonia e Veriut në vitet 1980. Gruaja e Vetonit, Lindita, ishte gjithashtu anëtare e komunitetit shqiptar të Melburnit.

Babai i Veton Musait, Alili, ka qenë presidenti i Komunitetit Shqiptar të Melburnit i cili në vitin 2000 mbështeti refugjatët kosovarë që kishin ikur nga lufta e Serbisë, duke u mundësuar më pas atyre kthimin në shtëpi përmes ministrit të atëhershëm të imigracionit Philip Ruddock.

Pak orë përpara se të ndërroheshin vitet, 55-vjeçari që jetonte prej disa vitesh në Melbourne pas një sherri në familje vrau me armë zjarri të bijën dhe dhëndrin, ndërsa më pas tentoi vetëvrasjen, por mbeti i plagosur rëndë.

Sakaq, teksa autori ndodhet në spital, ende nuk dihen arsyet vërteta të ngjarjes, teksa gjendja shendetesore e 55-vjeçarit ka penguar efektivët e policisë që ta marrin në pyetje. Policia është në pritje të intervistimit të babait Osman Shaptafaj./CNA.al

Tragjedi në familjen shqiptare në Australi/ Babai vret vajzën dhe dhëndrin, tenton vetëvrasjen





Lajmet e fundit nga