web counter
LEXO PA REKLAMA!

SHKARKO APP

I hodhi granatën kryebashkiakut të Lushnjes/ Zbulohet rruga që ndoqi autori për tu arratisur

1 Janar 2020, 14:33, Kronika CNA

Pas ngjarjes së ndodhur ditën e djeshme në bashkinë e Lushnjes, më shumë se 50 telefonata janë regjistuar në sallën operative të policisë, të cilët kanë dhënë informacion për lokalizimin e Gëzim Saraçit, personi që hodhi granatën në zyrën e kreut të bashkisë Lushnje, Fatos Tushe.

Sipas qelizave të telofonit, Saraçi, u lokalizua në qytetin e Beratit, 50 minuta pasi kishte kryer atentatin mëngjesin e 31 dhjetorit të 2019.

Dyshohet se 49-vjeçari është ndihmuar edhe nga personat të tjerë në Karbunarë të Lushnjes, duke ndërruar automjet dhe më pas ka vazhduar në drejtim të Beratit.

Abc News ka mësuar nga grupi hetimor se Saraçi e shantazhonte kreun e bashkisë së Lushnjes Fatos Tushe me publikimin e disa materialeve kompromentues, të cilat i dispononte prej më shumë se një viti.

Fatmirëisht, granata ofensive ka shpërthyer poshtë një tavoline, e cila ndodhet në paradhomën e kryetarit të bashkisë Tushe./CNA.al





Lajmet e fundit nga