web counter
LEXO PA REKLAMA!

SHKARKO APP

App Store
Google Play

E fundit!

x

Granatë kryebashkiakut të Lushnjes/ Policia vë shpërblim për gjetjen e autorit

2 Janar 2020, 18:52, Kronika CNA

Pas ngjarjes së ndodhur përpara dy ditësh në bashkinë e Lushnjes, ku kanë mbetur të plagosur dy persona, kryebashkiaku Fatos Tushe dhe sekretarja e tij për shkak të një granate të hedhur nga një 49-vjeçar, janë regjistuar shumë telefonata në sallën operative të policisë, të cilët kanë dhënë informacion për lokalizimin e Gëzim Saraçit, gjë që e ka bërë policinë të marrë një vendim.

Dyshimet më të forta për fshehjen e tij lidhen me qytetin e Beratit, megjithatë, burime bëjnë me dije se ky nuk është qyteti i vetëm ku po kërkohet për Saraçin.

Për kapjen e autorit, policia ka vënë në dispozicion 1 milion lekë, për këdo që në kushtet e anonimatit do të mund të japë informacione të sakta për lokalizimin, gjë që do të sjellë vënien në pranga të ish-shoferit të kryetarit Tushe.

Mëngjesin e datës 31 dhjetor, Gëzim Saraçi hyn në zyrën e ish shefit të tij, ku pas një debati për disa minuta hodhi një granatë dore, duke lënë të plagosur jashtë rrëzikut për jetën, kryetarin Fatos Tushe dhe Erisa Qalliun, e cila kishte hapur derën e zyrës për të parë se çfarë po ndodhte mes tyre.
Në ato moment, pas hedhjes së granatës, Saraçi u largua nga godina e bashkisë, për të humbur më pas gjurmët e për tu shpallur në kërkim nga policia, e cila po heton mbi ngjarjen./CNA.al

I hodhi granatën kryebashkiakut të Lushnjes/ Zbulohet rruga që ndoqi autori për tu arratisur





Lajmet e fundit nga