web counter
LEXO PA REKLAMA!

SHKARKO APP

App Store
Google Play

Italianët kandidojnë në Unesco/ Kafja “espresso” si trashëgimi kulturore

4 Janar 2020, 12:37, Kosova & Bota CNA

Dy vjet më parë, Italia u bë e suksesshme për njohjen e ushqimit ikonik të Napolit si pjesë e trashëgimisë kulturore jo-materiale në Unesco. Sot vendi dëshiron të bëjë të njëjtën gjë me një nga traditat e tij që janë ruajtur mirë: kafja ekspres.

Kafja është pija e dytë më e konsumuar në botë pas ujit. Lindja e makinës së parë ekspres, e shpikur në Itali në fund të shekullit të 19-të, ka kontribuar në popullaritetin e saj global.

Konsumimi i ekspresit në Itali është një mënyrë e jetëse, por për ata që ndodhen pas aplikimit për në Unesco, është më shumë se kaq.

Ilaria Danesi, anëtare e Konsorciumit për ruajtjen e kafes tradicionale italiane Espresso tha për Euronews se aplikimi për në Unesco për ekspresin italian pretendon identitetin italian të ekspresit.

?Kjo, për shkak se kafja ekspres buron nga krijimtaria e italianëve”, tha Danesi.

Kur nuk janë në shtëpi, italianët e konsumojnë ekspresin e tyre në bar-kafe. Kafja është një ritual i shpejtë. Ju porosisni në banak dhe uleni atje për vetëm disa sekonda.

Qëndrimi në bar dhe pirja e një kafeje ekspres është diçka nga e cila italianët nuk do të hiqnin dorë kurrë. Ashtë një pushim nga jeta e përditshme dhe shpesh është një justifikim për t’u takuar e për të diskutuar për biznesin ose për çështje miqësore. Dhe mbi të gjitha: është e lirë, kështuqë pavarësisht prejardhjes suaj, mund të shijohet pasi është e përballueshme për të gjithë.

Por si të dallojmë nëse një kafe ekspres është cilësore?

“Kafja ekspres ndryshon nga llojet e tjera të pijeve që janë në dispozicion në të gjithë botën, pasi është e vetmja që ka “kremin tipike në sipërfaqe”, shpjegoi Danesi.

Në dhjetor, një grup që përfaqëson kafen espresso napolitane, paraqiti gjithashtu një kërkesë që do të shkojë së bashku me atë të Konsorciumit për ruajtjen e kafesë tradicionale italiane Espresso.

Por do të duhet të presim edhe disa muaj të tjerë për të zbuluar nëse ato janë të suksesshme./Pështati nga Euronews, CNA.al





Lajmet e fundit nga