E fundit!

09:19 Denoncim

Financimi i kullës së Ervin Matës/ Plug: Mbi 28 milionë euro autofaturime për kompanitë e lidhura me Vilma Nushin

Pas denoncimit të parë, emisioni Plug ka vijuar sërish inv...

Festat janë plot ëmbëlsira dhe alkool!/ 5 këshilla për të shmangur gabimet me shëndetin e gojës

31 Dhjetor 2019, 18:00, Sociale CNA

Ushqimi dhe sheqernat janë arsyeja kryesore për prishjen e dhëmbëve. Bakteret e gojës përdorin sheqernat që ndodhen në ushqimin tonë, si krepa, çokollatë, akullore, karamel, lëngje me gaz dhe i kthejnë në acide. Në një intervistë për CNA.al, doktoresha stomatologe, Ketiona Agaj tregon se këto acide sulmojnë smaltin duke e varfëruar nga mineralet. Pasi preket smalti, preket dhe dentina e për rrjedhojë ndodh prishja e dhëmbëve.

Më poshtë gjeni edhe disa këshilla mjaft të vlefshme, si të shmangim gabimet me shëndetin e gojës gjatë ditëve të festave, por jo vetëm.

1- Limitoni midis-vaktet.

Është shumë ok të festoni me tavolinën plot. Por jo 24 orë. Midis-vaktet i ekspozojnë dhëmbët për një kohë të gjatë ndaj mbeturinave ushqimore. Zgjidhni midis-vakte të shëndetshme si kos, perime, vezë, asnjëherë ëmbëlsira.

2- Sa më pak stres.

Disa nga ne nuk do të kenë shumë pushime këtë fundvit, duke mos patur kohë për të shkarkuar gjithë stresin.

Fatkeqësisht stresi i lartë ju rrezikon nga konsumi më i lartë i alkoolit dhe kërcitja e dhëmbëve.

Meditoni dhe shëtisni!

Alkooli zvogëlon sasinë e pështymës në gojë dhe ju rrezikon për sëmundje të rrezikshme të kavitetit oral.

Nëse edhe pas ditëve të pushimit kërcitja e dhëmbëve nuk ndalon duhet të lini një takim me dentistin.

3- Sa më shumë ujë për të mbrojtur dhëmbët nga kavitetet.

Uji neutralizon ph acid që krijohet pas vakteve, sidomos atyre me shumë sheqerna.

Uji shpëlan dhëmbët nga mbeturinat ushqimore dhe ju mban në përgjithësi të dehidruar.

4-Mos merrni asnjë ditë pushime nga rutina e përkujdesjes së gojës.

Furconi dhëmbët dy herë në ditë nga dy minuta me një pastë të pasur me fluor. Kujdes! Pas konsumit të ëmbëlsirave prisni 30 minuta për të furcuar dhëmbët. Momenti i parë pasi konsumojmë ëmbëlsira shoqërohet me një aciditet të lartë për smaltin duke e bërë më të brishtë gjatë furcimit. Dhe përdorni fillin e dhëmbëve një herë në ditë.

5- Ushqimet me ngjyra

Salcat, vera, çajrat kanë pigmente të forta. Shpëlani gojën me ujë gjithmonë pasi i konsumoni që të holloni përqëndrimin e pigmenteve. Kështu do të ruani ngjyrën e dhëmbëve.

Kalofshi festa të gëzuara dhe mos harroni takimin e rradhës tek dentisti./CNA.al