web counter
LEXO PA REKLAMA!

SHKARKO APP

App Store
Google Play

E fundit!

x

"Kafshët shtëpiake mbrojnë fëmijët tuaj nga alergjitë"/ Fakt apo trillim?

1 Janar 2020, 07:15, Sociale CNA

Kafshët shtëpiake bëjnë shumë për fëmijët tuaj. Ato i mësojnë ata për dashurinë e pakushtëzuar, përgjegjësinë dhe vdekjen.

Por, a e mban një qen apo mace një fëmijë larg alergjive?

Ideja që kafshët shtëpiake mund të japin një përfitim imunitar buron nga një teori e diskutueshme e lindur në vitin 1989 e quajtur hipotezë higjene.

Mikroorganizmat si bakteret dhe parazitët mendohet se ndihmojnë sistemin tonë imunitar për të luftuar infeksionet e rrezikshme, ndërsa injorojnë me zgjuarsi ato joserioze.

Atëherë, alergjitë ndodhin sepse sistemet imune sulmojnë në mënyrë të panevojshme nxitës mjedisorë të padëmshëm, siç janë qimet e kafshëve shtëpiake.

Sot, shumica e studiuesve besojnë se vetëm mikroorganizma të caktuar, siç janë krimbat parazitare dhe laktobacilet, luajnë një rol në përgatitjen e sistemit imunitar.

Pyetja është nëse kafshët shtëpiake ofrojnë disa prej tyre.

Por, së fundi disa studiues kanë arritur në përfundimin se sa më i madh kontakti me kafshët shtëpiake gjatë viteve të para të jetës, aq më të mbrojtur janë fëmijët nga alergjitë.

Kjo është vërtetuar nga studime të kryera nga universitetet suedeze, të cilat janë publikuar në revistat prestigjioze shkencore ?Plus One? dhe britanikja ?Neë Scientist?.

Janë analizuar të dhënat e 1029 fëmijëve të moshave 8-9 vjeç, të cilët nuk kishin pasur kafshë shtëpiake në vitin e parë të jetës së tyre. 49% e tyre vuanin nga alergjitë, ndërkohë që statistikat uleshin në 43% në fëmijët e grupit tjetër që kishin pasur një mace apo qen, dhe në rastin kur në shtëpitë e tyre ishin 3 kafshë shtëpiake, shifrat uleshin në 24%.

Ndërkohë që disa fëmijë kishin jetuar me 5 këlyshë në shtëpi dhe nuk kishin pasur asnjë rast alergjie në jetën e tyre.

Qenushët, macet, breshkat, lepurushat, etj., në ambientet e shtëpisë janë mbartës mikrobesh që stimulojnë sistemin imunitar në mënyrë të tillë që fëmijët të mos bëhen alergjikë.

Gjithashtu, edhe në rastet kur fëmijët kalojnë një pjesë të mirë të kohës duke luajtur në ambiente të hapura me fëmijë të tjerë ndikon si një masë mbrojtëse shumë efikase./ CNA.al





Lajmet e fundit nga