web counter
LEXO PA REKLAMA!

SHKARKO APP

App Store
Google Play

E fundit!

x

“Festivalin në RTSH e kemi braktisur”/ Kantautori Gjergj Leka: S’di pse këndojnë në gegnisht

27 Dhjetor 2019, 21:23, Sociale CNA

Kantautori i njohur Gjergj Leka, i ftuar në emisionin ?Provokacija?, nuk i ka kursyer kritikat për Festivalin e 58 të Këngës, të organizuar nga RTSH.

Duke shprehur rezerva për tekstet e këngëve, Leka kritikoi mes të tjerave zhargonin e përdorur.  Sipas Lekës, ai ishte një show dhe jo festival.

?Ne i kemi braktisur festivalet. Nuk mund të krahasohemi me Sanremon. Tekstet e dobëta kanë ekzistuar historikisht. RTSH, e them me bindje, i vetmi që nuk ka struktura ndihmëse për të ardhur në dhjetor tek festivali.

Eurovizion është nga më të dobtët që ekziston. Nga ana tjetër, në vend, kemi festivalin e Gjebreas. Pse ekziston Ardit Gjerbrea! Sepse i përkdhel këngëtarët. Të thërrasin atë për të bërë festivalin. Nuk duhet të premtojë njeri se do iu japim çmim, kështu thonë kohët e fundit: Hajdeni se çmimin ua jap unë.

Nëse flasim për Festivalin Kombëtar ka disa përgjegjësi. Duhet rishikuar që nga drejtuesit, organizimi… Ti po more tekstet sot, ai i Elvanës biles ishte mirë, janë skandal. Sot përdoret vetëm dialekti kosovar dhe se di pse!

Në Sanremo është kusht që të këndohet me gjuhë nacionale. Atje u bë skandal sepse dikush përdori gjuhën napolitançe. Unë këtë mani që ka dalë tek këngët tona, nuk e kuptoj. Se di pse këndohet vetëm me dialekt gegnisht.

Dhe fakti që këto tekste bëhen kështu nuk është për faj të këngëtarit por të organizuesit, sepse kur ti e merr këngën dhe vendos për ta pranuar, ti je përgjegjësi. Pse nuk e bëjnë kriter gjuhën standarte! Të bëhet një selektimi, kush vlen për të shkuar në një aktivitet serioz dhe kush vlen për masën.

Po flasim për Festivalin Kombëtar Shqiptar. Ishte një show, jo Festival i Këngës. Ishte shumë i folur, por pak i kënduar?, u shpreh Leka./CNA.al

 

 

 





Lajmet e fundit nga