web counter
LEXO PA REKLAMA!

SHKARKO APP

App Store
Google Play

E fundit!

x

Bashkia e Tropojës lëshon alarmin “SOS”/ Dy pallate rrezikojnë të shemben

28 Dhjetor 2019, 14:16, Sociale CNA

Bashkia e Tropojës ka ngritur alarmin për shembjen e 2 pallateve, të cilat thotë se mund të shkaktojnë një tjetër tragjedi si ajo e Thumanës nga tërmeti i 26 nëntorit.

Në një komunikatë për shtyp, Bashkia thotë se Tropoja nuk është prekur nga tërmeti, por dy banesat janë në rrezik shembjeje edhe nga një dëborë normale.

?Tropoja një trevë ku tërmeti nuk dha pasoja të ndjeshme pas kontrollit të ngritur nga Bashkia dhe Prefektura rrezikon një qytet ku jo një termet i kësaj grade, por dhe një dëborë normale mund të shkaktojë një tragjedi humane. Në qendër të qytetit ndodhen dy ndërtesa të ndërtuara që në vitet ?50 kur u ndërtua dhe ky qytet, të cilat nga momenti në moment pritet të shemben duke rrezikuar jetën e disa familjeve të strehuara prej kohësh aty?, thuhet në deklaratë.

Bashkia e Tropojës thotë se nuk disponon mundësi reale strehimi dhe ka negociuar me pronareët që kanë në pronesi godinat që së bashku provizorisht të mundësojnë largimin e banorëve dhe njëfarë rimbursimi modest qeraje deri në një stabilizim përfundimtar të tyre me ndërhyrjen e Qeverisë.

?Fotot e sotme flasin vetë dhe sinjali ?SOS? tashmë është lëshuar. Nuk nevojitet një tërmet por thjesht një dëborë normale dimërore të rrezikojë dhjetëra persona, mes tyre 18 fëmijë që banojnë këto dy godina?, thekson Bashkia./ CNA.al





Lajmet e fundit nga