web counter
LEXO PA REKLAMA!

SHKARKO APP

App Store
Google Play

E fundit!

x

Nga të brendshmet me ngjyrë tek thyerja e pjatave/ 7 tradita më të çuditshme të Vitit të Ri

31 Dhjetor 2019, 19:45, Sociale CNA

Nga konkurset e ngrënies së rrushit deri tek veshjet e pasura me fat, shikoni këtë listë me 7 nga traditat më të çuditshme të Vitit të Ri në të gjithë botën.

Djegia e frikës – Ekuador

Për të dëbuar çdo të keqe ose gjëra të këqija që ndodhën gjatë vitit të kaluar, Ekuadorasit i vënë zjarrin frikësimeve të shkruara në letër në mesnatën e natës së Vitit të Ri. Ata gjithashtu djegin fotografi të gjërave që përfaqësojnë vitin e kaluar, me qëllim të lënë pas çdo negativitet.

Polka Dots – Filipine

Në Filipine Viti i Ri sillet rreth një gjëje, dhe vetëm një gjëje; para. Duke shpresuar të sjellin prosperitet dhe pasuri për vitin e ardhshëm, njerëzit në Filipine përpiqen të përdorin sa më shumë simbole të rrumbullakëta të jetë e mundur për të përfaqësuar monedha dhe pasuri. Rroba me polka dots, ushqime të rrumbullakëta, etj, do t?i shihni kudo në Filipine gjatë fundvitit.

Pjata të thyera – Danimarkë

Nëse shkoni ndonjëherë në Danimarkë dhe kur të zgjoheni gjeni një grumbull enësh të shkatërruara jashtë derës suaj, ka të ngjarë të jetë festa e Vitit të Ri. Pjata të papërdorura ruhen gjatë gjithë vitit, deri më 31 dhjetor, kur ato nxirren para dyerve të miqve dhe familjes duke i thyer.

Ngrënia e 12 kokrrave rrushi – Spanjë

Ndërsa afron ora 12 dhe njerëzit në mbarë botën përgatiten të shikojnë fishekzjarret dhe të përqafojnë njëri-tjetrin, Spanjollët pergatiten në mesnatën e Vitit të Ri për të ngrënë shpejt 12 kokrra rrush, 1 për çdo muaj të vitit që po vjen. Kjo traditë spanjolle mendohet se sjell fat e mbarësi për vitin e ri.

Festivali Takanakuy – Peru

Ky festival vjetor i Perusë i mbajtur në fund të dhjetorit ka të bëjë me ?luftime?, ku njerëzit përballen me një unazë për një raund të zhurmshëm, i cili mbikëqyret nga policët lokalë. Takanakuy fjalë për fjalë do të thotë “kur gjaku po vlon”, por me sa duket të gjitha luftimet janë miqësore dhe paraqesin një fillim të ri për vitin.

108 këmbana – Japoni

Mendoni se numërimi i 12 këmbanave zgjat shumë? Provoni 108. Në Japoni këmbanat janë rënë 108 herë në një traditë Budiste që besohet që dëbon të gjitha mëkatet njerëzore dhe ky zakon vijon edhe në ditet e sotme.

Të brendshme me ngjyra – Amerika e Jugut

Në vendet e Amerikës së Jugut, si Meksika, Bolivia dhe Brazili, pasuria juaj për vitin në vazhdim varet e gjitha nga ?mbathjet tuaja?. Ata që duan të gjejnë dashuri veshin të brendshme të kuqe për Vitin e Ri, ndërsa gërmuesit e arit duhet të zgjedhin të verdhën, gjë që sjell pasuri dhe fat./Përshtati në shqip CNA.al





Lajmet e fundit nga