web counter
LEXO PA REKLAMA!

SHKARKO APP

App Store
Google Play

Ushtari i diktaturës në krye të SPAK/ Hije dyshimi mbi integritetin e anëtarëve

21 Dhjetor 2019, 13:35, Politikë CNA

Sekretari i Përgjithshëm i Partisë Demokratike, Gazment Bardhi ka reaguar në lidhje me akuzat ndaj kreut të SPAK, Arben Kraja, për të cilin thuhet se është ish-hetues i diktaturës.

Në një deklaratë për mediat, Bardhi tha se PD nuk mund të qëndrojë indiferente përballë këtyre fakteve, të publikuara nga mediat.

Bardhi theksoi se një ushtar i diktaturës më të egër komuniste, nuk mund të jetë shërbetor i shtetit të së drejtës.

?PD nuk mund të qëndrojë indiferente ndaj fakteve të publikuara në media.

Në korrik 1990 është zbuluar se Arben Kraja ka marrë pjesë në proçese politike duke i shërbyer regjimit deri në grahmat e fundit. PD ka bindjen se një ushtar i diktaturës më të egër nuk mund të jetë shërbëtor i shtetit të së drejtës.

Po ashtu drejtuesi i SPAK është propozuar si zv.kryetar i KLSH dhe ka punuar për qeverinë e PS.?-tha Bardhi.

Më tej, ai reagoi edhe në lidhje me një foto të publikuar në media të prokurorit të SPAK Altin Dumani, me deputetin e PS, Ulsi Manja.

?Fakti i dytë i rëndë është ky. Një takim një ditë para votimit të KLP për kreun e SPAK, të prokurorit Altin Dumani me Ulsi Manjën. Altin Dumani ishte një nga kandidatët kryesorë për kreun e SPAK.?-tha Bardhi.

Po ashtu ai theksoi se SPAK duhet të jetë në lartësinë e pritshmërive të opinionit dhe nuk mund të ketë hijë dyshimi mbi integritetin e anëtarëve të tij.

?SPAK duhet të jetë në lartësiën e pritshmërive të publikut. Prokurorët për të cilët publikisht është vënë në dyshim integriteti dhe paanshmëria duhet menjëherë të sqarojnë pozicionin e tyre dhe të heqin dorë nga përbërja e SPAK. Nuk mund të ketë asnjë hije dyshimi mbi integritetin e anëtarëve?-deklaroi Gazment Bardhi./ CNA.al





Lajmet e fundit nga