“OSHEE është e paaftë”/ Bozdo: Shqipëria, e fundit në sektorin energjitik

21 Dhjetor 2019, 11:30, Politikë CNA

Anëtari i Kryesisë së PD, Eno Bozdo, në një deklaratë për shtyp ka folur mbi politikat e qeverisë Rama në lidhje sektorin energjitik.

Bozdo u shpreh se vetë Sekretariati i Energjisë në Vjenë ka konfirmuar dështimin e qeverisë në sektorin energjitik, pasi është klasifikuar si i vetmi rajon në Europë i cili ka bërë regres. Shkatar për këtë, Bozdo bën vetë Kryeministri Rama.

?Shqipëria është klasifikuar prej Sekretariatit si i vetmi vend në rajon, që ka hedhur hapa prapa në këtë sektor strategjik, që prek jetën e çdo shqiptari për një arsye të vetme- Edi Rama dhe qeveria e tij janë të korruptuar?, ëshë shprehur Bozdo.

Bozdo nuk lë pa thënë se vetë Ministrja e Infrastukturës dhe Energjisë, Belinda Balluku, është përpjekur të pengojë mediat për ta bërë publik dështimin e qeverisë në fushën e energjitikës.

?Kjo është arsyeja pse Ministrja Përgjegjëse Belinda Balluku u përpoq t?ua mbyllte gojën mediave më një seancë të zhvilluar thuajse në terr informativ për një nga shtyllat thelbësore të ekonomisë së vendit, sektorin energjetik?, deklaroi Bozdo.

Eno Bozdo renditi 4 pikat ku sipas Kreut të Sekretarit të Energjisë në Vjenë, Shqipëria është përkeqësuar:

1. Shqipëria nuk ka bërë progres përsa i përket reformës në sektorin e energjisë elektrike. ?Reformat e këtij viti janë vetëm në letër?-theksoi ai;

2. Reformat strukturore te sektorit duhet të përshpejtohen. Ngecja e tyre po dëmton liberalizimin e sektorit si kusht i nevojshëm për shëndoshjen financiare të tij.

3. Ka vonesa të mëdha të ndarjes së OSHEE në tre kompanitë e veçanta sipas Direktivave të BE-së dhe angazhimeve të marra nga qeveria shqiptare për liberalizimin e tregut. Kjo reformë mbi të gjitha do të jetë në dobi të konsumatorit familjar.

4. Shqipëria po vuan mungesën e investitorëve të huaj në energjinë e rinovueshme. Kjo për shkak të politikave qeveritare, klimës së keqe për të bërë biznes dhe mungesës së sigurisë ligjore për kompanitë e huaja në Shqipëri.

Në këtë raport Shqipëria vlerësohet me ecuri shumë të ulët, me vetëm 50% të pikëve të mundshme. Ky rezultat është edhe më i ulët se viti i kaluar.

?Gjendja e vështirë financiare e OSHEE tashmë nuk është më sekret?, u shpreh Bozdo , duke e cilësuar OSHEE si të paaftë për të kryer detyrimet e saj./CNA.al