web counter
LEXO PA REKLAMA!

SHKARKO APP

App Store
Google Play

E fundit!

x

Shkarkimi i Agim Seranajt/ Roshi: Vendim politik, për një njeri që nuk bën kompromise

21 Dhjetor 2019, 10:08, Politikë CNA

Kryetari i Ballit Kombëtar Demokrat, Artur Roshi ka reaguar në lidhje me shkarkimin e Agim Seranaj nga detyra si zv/dekan i fakultetit të Inxhinierisë së Ndërtimit.

Në një reagim për mediat, Roshi e cilëson shkarkimin e Seranajt, si një vendim politik.

Sipas Roshit, shkarkimi i Agim Seranajt vjen për shkak të qëndrimeve të tij pas tërmetit tragjik të 26 nëntorit, ku publikisht tha se shkak për viktimat ishin gabimet njerëzore.

Roshi vlerëson figurën e Agim Seranajt, për të cilin shkruan se ?Eshtë një njeri që suksesin e bazon mbi punën dhe tipiku i njeriut që nuk ngatërrohet me politikë, por shkon në kokëfortësi në se i kërkon të bëjë kompromise ndaj gjërave që nuk egzistojnë.?.

?Shkarkimi i Agim Seranaj

(Detyrim moral për të reaguar si Inxhinier)

Në përgjithësi Inxhinierët duke veçuar ata të Ndërtimit në këtë rast janë njerëz që referencë kanë realitetin dhe logjikat që ngrihen mbi të.

Një nga këta është Agim Seranaj.

Eshtë një njeri që suksesin e bazon mbi punën dhe tipiku i njeriut që nuk ngatërrohet me politikë, por shkon në kokëfortësi në se i kërkon të bëjë kompromise ndaj gjërave që nuk egzistojnë.

Një njeri që beson në vlerat që prodhon e vërteta.

Qëndrimi i tij në lidhje me post-Tërmetin nuk ka lidhje me asgjë politike, por thjesht dhe vetëm me mendimin profesional. Këtë e kam bindje.

Politika është një Tërmet më vete që ngacmon kë i del para në vende jo-demokratike që nuk respektojnë gradët e lirisë profesionale të individit.

Më vjen keq për shkarkimin sepse një njeri punëtor si ai meriton, por nuk është se ai i ka shumë merak postet drejtuese.?-shkruan Artur Roshi./ CNA.al





Lajmet e fundit nga