E fundit!

08:49 Kronika

Vrasja e efektivit në Maliq/ Detaje të reja, zbardhen emrat dhe rrethanat e ngjarjes

Zbardhen detaje të reja lidhur me ngjarjen e rëndë të mëng...

Pse Arben Kraja nuk duhet të jetë në krye të SPAK

21 Dhjetor 2019, 12:14, Politikë CNA

Ish-ministri i Drejtësisë në qeverinë ?Rama 1?, Ylli Manjani ka reaguar në lidhje me akuzat ndaj kreut të SPAK, Arben Kraja, për të cilin thuhet se ka qënë ish-hetues i diktaturës komuniste.

Në një postim në rrjetet sociale, Manjani e cilëson këtë si një shenjë jo të mirë për SPAK dhe pritshmëritë që ai ka në opinionin publik.

Manjani thekson se ligji për SPAK nuk e ka këtë kërkesë specifikisht siç e parashikon për BKH, por problemi etik dhe moral është njësoj shqetësues.

?Pa dyshim alerti i vonuar mbi të shkuarën e drejtuesit të SPAK dhe foto e njërit prej prokurorëve me një deputet të Rilindjes, i kapur në përgjimet e manipulimit të votave, nuk janë shenjë e mirë.

Ligji për SPAK nuk e ka këtë kërkesë specifikisht siç e parashikon për BKH, por problemi etik dhe moral është njësoj shqetësues.

Të kuptohemi, unë nuk besoj se Arben Kraja është përzgjedhur në krye të SPAK si hetues i komunizmit. Në ato fund vite të sistemit më të egër diktatorial, kishte rënë ideja e goditjes penale për shkak të politikës. Edhe kalimi i kufirit nuk quhej më tradhëti ndaj atdheut.

Kam bindjen se dënimi i sotëm i kundërshtarëve politikë me akuza juridikisht absurde si psh kallëzim i rremë, pa bërë fare kallëzim, është shumë herë më i rëndë se hetimi e dënimi për kalim kufiri të cilin e ndalonte dhe e ndalon ligji edhe sot.

Pra po krahasoj hetimin dhe denimin penal të dy periudhave dhe nuk e kam fjalën aspak për vrasjet në kufi pa ligj, të cilat nuk i ka bërë hetuesia e kohës, por ushtria dhe policia.?-shkruan Manjani.

Por, më tej ai thekson se që të mos cënohet besueshmëria e institucioneve të reja të drejtësisë, nuk duhet që SPAK të ngarkohej me një njollë të tillë.

?Sidoqoftë etika dhe mbi të gjitha nevoja për institucione të besueshme kërkon që të shmangeshin zgjedhje të tilla. Nuk kishte përse të ngarkohej me njolla të tilla një institucion si SPAK.?-shkruan Manjani.

Më tej, ish-ministri ngre pyetjen për ata që verifikuan e verifikojnë ende prokurorët e gjykatësit, si ka mundësi që nuk paskan pyetur strukturat shtetërore që hetojnë të shkuarën komuniste?!!!?

Po ashtu Manjani shkruan se për të ruajtur pastërtinë e SPAK, ai duhet të largohet.

?Nga ana tjetër, si ka mundësi që pushtetarët as nuk i fshehin më shenjat e ndikimit mbi punonjësit e strukturave të reja? Dy prokurorë të SPAK i damkosën, një anëtër të KLP e dekorojnë në Elbasan, një tjetër i zënë në flagrancë me diploma rë fallsifikuara por që e mbajnë në detyrë….

Nuk i maskojnë fare!

Nejse, mira e do që për të ruajtur të pastër autoritetin e SPAK, këto të largohen nga funksionet që mbajnë.?-përfundon ish-ministri postimin e tij./ CNA.al