web counter
LEXO PA REKLAMA!

SHKARKO APP

App Store
Google Play

E fundit!

x

Braktisi foshnjen në një kosh mbeturinash/ Në pranga nëna 24-vjeçare në Greqi

19 Dhjetor 2019, 11:16, Kosova & Bota CNA

Një grua 24-vjeçare është arrestuar pasi mësohet se ka braktisur foshjen e saj në një kosh mbeturinash në qytetin grek, Kalamata.

Foshnja, që mendohet të jetë vetëm disa ditësh, u zbulua të mërkurën nga një grua e lagjes. Pasi dëgjoi të qara, gruaja ju afrua koshit dhe pa foshnjen.

Foshnja e sapolindur ndodhet jashtë rrezikut për jetën. Fqinjët dhe autoritetet raportojnë se makina e mbeturinave do të kalonte pak pasi gruaja ka gjetur foshnjen.

“Foshnja ishte me fat në fatkeqësinë e saj, pati një vonesë sot në mbledhjen e mbeturinave nga Komuna,” tha kryetari i Komunës së Kalamata, Thanassis Vassilopoulos.

Gruaja vendase që gjeti fëmijën, Vassiliki Tsoni, tha se fëmija u ndodhej brenda një qese letre, e futur thellë brenda strukturës së koshit prej guri të mbeturinave. Sipas zonjës Tsoni, disa fqinjë u përpoqën të lehtësonin shqetësimet e saj duke i thënë se klithma që ajo dëgjoi duhet të ketë qenë nga një kotele dhe jo nga një njeri. Për fat të mirë Tsoni nuk i dëgjoi fqinjet dhe shkoi për ta parë situatën nga afër.

Dy policë arritën më vonë në vendin e ngjarjes. Fëmija u dërgua në spital, ku pritet të rikuperohet plotësisht, sipas mediave lokale.

Policia konfirmoi më vonë se është arrestuar gruaja që dyshohet të jetë nëna e foshnjës. 24-vjeçarja është me prejardhje nga Gjeorgjia./Përshtati nga BBC News, CNA.al





Lajmet e fundit nga