web counter
LEXO PA REKLAMA!

SHKARKO APP

App Store
Google Play

E fundit!

x

“Tmerr o tmerr”!/ Artan Fuga tjetër mesazh për paketën e censurës

18 Dhjetor 2019, 09:27, Politikë CNA

Akademiku Artan Fuga vijon të ketë reagime mjaft të forta kundër paketës se censurës ndaj medias.

Në një postim në rrjetet sociale, Fuga ka kritikuar ashpër paketën e propozuar nga qeveria, e cila pritet të kalojë sot në seancë plenare, ndërsa thekson se Autoriteti i Mediave Audiovizive do të marrë kompetenca gjykatash.

Fuga shkruan se ?Zëvendësimi i gjykatës nga KA e AMA-s do të thotë: gjyq pa avokat, gjyq pa tre shkallë drejtësie, gjykim pa praninë e vetë të akuzuarit dhe akuzuesit, pa procedura, pa të drejta për palët, gjykim i bërë nga gazetarë pjesë e KA (specialistë të medias ? pika që nuk më bie!) pa asnjë formim juridik, dhe pa përgjegjësi për karrierën e tyre edhe nëse japin dënime idiote, aq më shumë që pas tre vjetësh ikin në punë të tyre a në ndonjë post tjetër nëse sillen mirë! Edhe vetë ?gjykatësit e AMA-s? pa status ligjor dhe pa mbrojtje statutore ligjore!?.

Mesazhi i plotë i Artan Fugës:

Gjykimet jashtë gjykatave ? shkelje kushtetuese të përhershme! Edhe gjoja modifikimet e mbrëmshme të bëra në tekstin e projektligjit kundër të drejtave qytetare që për shpifje të mund të shkojnë në gjykatë, nuk treguan veçse kokëfortësi për të zëvendësuar gjykatat me dënime paralele penale nga një jogjykatë, si AMA nen kontroll ngjyrash politike!

Imagjinoni si do të votojnë anëtarët e bordit të AMA -s që vijnë nga e djathta nëse atje ankohet ndonjë politikan i majtë, imagjinoni si do të votonin të majtët nëse atje do të ankohej një politikan i djathtë!

Zëvendësimi i gjykatës nga KA e AMA-s do të thotë: gjyq pa avokat, gjyq pa tre shkallë drejtësie, gjykim pa praninë e vetë të akuzuarit dhe akuzuesit, pa procedura, pa të drejta për palët, gjykim i bërë nga gazetarë pjesë e KA (specialistë të medias ? pika që nuk më bie!) pa asnjë formim juridik, dhe pa përgjegjësi për karrierën e tyre edhe nëse japin dënime idiote, aq më shumë që pas tre vjetësh ikin në punë të tyre a në ndonjë post tjetër nëse sillen mirë! Edhe vetë ?gjykatësit e AMA-s? pa status ligjor dhe pa mbrojtje statutore ligjore!

Pa asnjë mundësi për të mbledhur prova, bërë hetime të pavarura, pa i dhënë medias dhe publikut të marrë pjesë në sallën e gjykimit, me konflikt interesi sepse gazetarët do të japin dënime për gazetarët e mediave të tjera! Tmerr o tmerr!

Ankimimet në gjykatën administrative një farsë dhe manipulim sepse atje nuk gjykohet çështja në vetvete, por sipas ligjit shqyrtohet thjesht vendimi i një jogjykate, ndërkohë që shpifja, ofendimet ndaj personit etj, nuk janë vepra ose mosveprime administrative, por vepra ose kundravajtje penale ose të parashikuara nga kodi civil!
Gjykatat mënjanohen djallëzisht! Kjo do të jetë drejtësia sipas ligjit për të cilin protestojnë sot gazetarët te Kuvendi! Protesta më e ligjshme në botë përpara një ligjëvënësi që sillet në mënyrë arbitrare dhe shkel me të dyja këmbët kushtetutën e Shqipërisë dhe të drejtat e qytetarëve!/ CNA.al





Lajmet e fundit nga