web counter
LEXO PA REKLAMA!

SHKARKO APP

App Store
Google Play

E fundit!

x

Video-Sot dy vite, nga “çizmja madhështore” e Kryemadhit/ Momenti kur qëllon Ramën

18 Dhjetor 2019, 07:54, Politikë CNA

Si sot dy vite më parë, pikërisht në 18 dhjetor 2017, seanca plenare në Kuvendin e Shqipërisë ishte shoqëruar me tensione të forta mes opozitës dhe mazhorancës.

Fyerje, të bërtitura, tymuese dhe madje edhe momente dhune u panë nga të gjithë në sallën e madhe ku miratohen ligjet që pretendohet t?iu shërbejnë qytetarëve.

Shkak për përplasjet në parlament në atë kohë u bë zgjedhja e Arta Markut, si kryeprokurore e përkohshme.

Deputetët e PD-së dhe LSI-së u shprehën kundër miratimit të Kryeprokurores së re vetëm nga maxhoranca dhe bënë gjithçka për ta ndalur votimin në parlament.

Në një nga këto momente, kryetarja e LSI-së Monika Kryemadhi humbet durimin dhe qëllon me çizmet që ka veshur kryeministrin Edi Rama.

CNA.al risjell më poshtë videon, ku duket Kryemadhi, e cila pasi bërtet disa herë në drejtim të Ramës, ulet dhe zbath njërën çizme dhe e hedh në drejtim të kryeministrit, por nuk e kap.

Rama nuk bën asnjë lëvizje. Më pas Kryemadhi i thotë Ramës ?maskara?, ?plehrë? ?largohu? dhe i hedh edhe çizmen tjetër, ndërsa truproja hap çadrën për ta mbrojtur, por kryeministri e largon.

Kryemadhi i hedh edhe fletë, çfarë i kap dora nga tavolinat e deputetëve dhe më pas largohet duke bërtitur./ CNA.al





Lajmet e fundit nga