E fundit!

18:43 Kronika

Aksident në aksin Elbasan-Librazhd/ Automjeti del nga rruga, humb jetën i riu

Një aksident i rëndë është shënuar pasditen e sotme në aks...

Meta uron Papa Franceskun për ditëlindje/ Jeni dhuratë e çmuar për botën

17 Dhjetor 2019, 19:44, Politikë CNA

Presidenti Ilir Meta ka uruar pak minuta më parë Papa Franceskun për ditëlindje.

Kreu i Shtetit e cilëson Papën si një dhuratë të çmuar për të gjithë botën, teksa i uron të ketë një jetë të gjatë dhe shëndet.

?Gëzuar ditëlindjen Atë i Shenjtë. Jeni një dhuratë tejet e çmuar për mbarë botën. Ju uroj një jetë të gjatë dhe të shëndetshme. Përulësia juaj është inkurajim për kombet?, thekson Meta.

Mesazhi i plotë:

Shenjtërisë së Tij, Papë Françesku
Shenjtëria Juaj, me rastin e 83 vjetorit të ditëlindjes Suaj, At i Shenjtë, Ju shpreh urimet e mia më të përzemërta dhe të ngrohta. Ju uroj një jetë sa më të gjatë dhe të shëndetshme në shërbim të besimit katolik dhe në përmbushjen e thirrjes e misionit tuaj në shërbim të mbarë njerëzimit.

Ju mbeteni një shembull tejet frymëzues i përkushtimit ndaj Hyjit, modestisë njerëzore dhe një udhërrëfyes i denjë shpirtëror, i paqes dhe i shpresës për të ardhmen.

Ju jeni një dhuratë tejet e çmuar për mbarë botën dhe për besimin katolik duke shpalosur pa reshtur mesazhet e krishtera të dashurisë për Hyjin por edhe për njëri-tjetrin, të cilat janë jo vetëm misioni por edhe përmbledhja e mësimeve të Biblës dhe esenca e vetë Kishës.

Ju vazhdoni t?i kujtoni botës se dashuria e vërtetë mbizotëron mbi urrejtjen dhe ndasinë, dhe se mëshira triumfon mbi çdo ligësi. Përmes udhëheqjes Suaj shpirtërore mbarë bota arrin të dëgjojë dhe kuptojë se me më shumë dashuri dhe mëshirë, duke u shërbyer me përulësi të gjithë njerëzve ne do jemi më humanë dhe më të përafruar me Hyjin.

At i Shenjtë, përulësia Juaj është inkurajim për kombet. Shqiptarët e çmojnë të paharrueshme vizitën Tuaj pastorale në Shqipëri, në vitin 2014, vendimet hyjnore për shenjtërimin e Nënë Terezës, si dhe të lumturimit e lartësimit të besimtarëve të devotshëm e klerikëve shqiptarë që u flijuan gjer në sakrificë në shërbim të Hyjit.

Shqiptarët Ju janë mirënjohës që, falë edhe të vëmendjes dhe mbështetjes Suaj e të Selisë së Shenjtë, vlerat e harmonisë fetare dhe vokacioni evropian i shqiptarëve janë rigjallëruar e ripërtërirë edhe më shumë.

Personalisht Ju shpreh edhe një herë mirënjohjen për emocionet dhe momentet e takimit me Ju në Selinë e Shenjtë vitin e kaluar, dhe Ju siguroj se do të vijoj t?i përcjell me të gjithë fuqinë time dhe të përgjegjësisë institucionale që mbaj, mesazhet Tuaja të vyera për popullin tim dhe në veçanti për rininë e mrekullueshme, që Ju e kujtoni me aq dashuri nga vizita juaj në vendin tim.

Gëzuar Ditëlindjen At i Shenjtë!
Ju uroj një jetë të gjatë, të shëndetshme dhe të mbushur me bekimet e Hyjit!
Me respekt e mirënjohje të thellë,
Ilir Meta/ CNA.al