E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Paketa Anti-shpifje/ Ja kush i përçan gazetarët

17 Dhjetor 2019, 11:38, Politikë CNA

Qeveria ka propozuar një paketë ligjore, duke pretenduar se është një ligj kundër shpifjes në Shqipëri.

Në fakt, shpifja në vendin tonë është e kriminalizuar dhe dënohet nga Kodi Penal.

Akti i Kryeministrit nuk është asgjë më pak sesa shantazh dhe instrument për të vënën nën kontroll dhe mbyllur mediat kritike ndaj Kryeministrit tonë gjëmëmadh.

Ky ishte momenti kur gazetarët duhet të tregonin solidaritetin, mbështetjen dhe forcën e tyre së bashku përballë qeverisë që kërkon të kapë gjithçka me variantin propaganda e shfrenuar të mban gjatë në pushtet.

Ajo që ka ndodhur këto ditë është tregues i vërtetë dhe ekspozoi ekstremisht të gjithë median klienteliste të kryeministrit, lëpirësit e tij dhe ata që i paguan me koncesione dhe miliona eurot e korrupsionit të tij politik.

Pra, njëra palë është ajo e Edi Ramës, janë ata që përdoren nga Kryeministri, shërbëtorët e tij: Carlo Bollino i koncesioneve, Alfred Peza i një milion dollarëve pasuri që e ?fshihte? në aksione bankare, Topi i Vjollcës dhe Blushit, apo ?pushkët? e tjera vrasëse mediatike, të shqiptarëve.

Pala tjetër, ajo që është pro, e që fatkeqësisht përfaqësohet nga disa shoqata gazetarësh që nuk dihet kë përfaqësojnë, por që janë në krye të tyre, në kohë më të gjatë se Edi Rama kryeministër që duhet të bëjnë zgjedhje që nuk i kanë bërë kurrë, disa palo shoqata, që asnjëherë dhe në asnjë rast nuk kanë qënë një vlerë për gazetarët, por thjeshtë një titull i ndonjë individi që ka edhe 20 vjet në krye të saj.

Një palë është e qeverisë, e tjetra, disa shoqata të pavlera që kanë një kryetar, një anëtar dhe shpesh herë iu kanë shërbyer qeverive të ndryshme, për interesa personale, klienteliste dhe korruptive.

Gazetarët e vërtetë kanë ngelur rrugëve, janë të papërfaqësuar. Nuk kanë shoqatat e tyre, për të thënë fjalët si një trup që përballë kësaj situate do ta detyronte Kryeministrin të bënte pas. Por, ai nuk i ka frikë, sepse ata thjeshtë nuk ekzistojnë. Ndërsa palën tjetër i ka shërbëtorë të korruptuar.

Kuptohet lehtësisht kush i ka përçarë gazetarët. Edi Rama që i përdori dje me shoqatat e tyre dhe sot që iu rri përballë me klientelen e tij./ CNA.al