web counter
LEXO PA REKLAMA!

SHKARKO APP

App Store
Google Play

“Po na nxin imazhin ndërkombëtarisht”/ Vokshi godet Ramën: Hiq dorë nga censura

17 Dhjetor 2019, 13:34, Politikë CNA

Ish deputetja e Partisë Demokratike Albana Vokshi, përmes një deklarate për shtyp i ka dalë kundër Paketës së Censures së mediave, të propozuar nga Qeveria.

Vokshi u shpreh se edhe ndërkombëtarët janë të shqetësuar për faktin që Kryeministri shqiptar po synon t?u mbyllë gojën mediave, në këtë rast portaleve që janë e vetmja hapësirë e papushtuar prej tij gjatë gjashtë viteve të fundit. Kjo paketë shkel të drejtën themelore të njeriut, të drejtën e shprehjes.

Ish deputetja nuk la pa theksuar se projektiligji në fjalë nënkupton një hap mbrapa për integrimin e Shqipërisë në Bashkimin Europian, integrim të cilin Rama po e shmang. Por për këtë nuk kanë faj shqiptarët, thotë Vokshi.

?Këto janë orët e fundit që Edi Rama ka shansin për të mos nxirë edhe më shumë imazhin ndërkombëtar të Shqipërisë, si vendi ku media detyrohet me ligj të mbyllë gojën. Paketa e censures, e iniciuar personalisht nga Edi Rama, është sot shqetësimi kryesor i institucioneve europiane që mbrojnë rë drejtat e njeriut, Këshillit të europës, OSBE dhe Parlamentit Europian. Si ata edhe shoqatat shqiptare bëjnë thirrje të hiqet dorë nga censura e mediave dhe shkelja e të drejtave themelore të njeriut në të kundërt, Shqipëria rrezikon për anëtarësimin në BE. Rama është arsyeja kryesore pse Shqipëria nuk ka bërë hapa drejt integrimit. Shqiptarët nuk i kanë borxh që për tekat e tij personale dhe mënyrën autokratike të qeverisjes të djegin sërish shansin për bisedimet me BE. Paketa e censures ka për qëllim asgjesimin e shtyllave kryesore të një shoqërie të lirë dhe demokratike. Media online është kalaja që Rama nuk e ka pushtuar dot akoma. Ky është objektivi i rradhës pasi këto 6 vjet ka marrë çdo pushtet?, tha Albana Vokshi./CNA.al





Lajmet e fundit nga