web counter
LEXO PA REKLAMA!

SHKARKO APP

App Store
Google Play

E fundit!

x

Nga fatkeqësi natyrore në fatkeqësi shtetërore/ Basha dënon veprimet e Qeverisë

17 Dhjetor 2019, 12:39, Politikë CNA

Kryetari i Partisë Demokratike, Lulzim Basha ka bërë sërish publik fenomenin shqetësues të familjeve të dëmtuara nga tërmeti i 26 nëntorit, të cilat janë lënë në harresë dhe meqenëse nuk paten asnjë lloj ndihme, janë kthyer në banesat ku u rrezikohet jeta.

?Të braktisur nga Qeveria e cila ka dështuar në gjithçka përveç propagandës çnjerëzore që nuk kursen as fëmijët që humbën prindërit, minëra familje janë lënë në mëshirë te fatit. Shumë prej tyre vazhdojnë të kalojnë netë të ftohta në çadra, pa ngrohje pa ushqim, në kushte të mjerueshme?, shkroi Kreu i PD.

Basha tha se mijëra banesa janë ende të braktisura nga vëmendja e Qeverisë edhe pse kanë kaluar tri javë. Këtyre banesave nuk u është bërë vlerësimi ose u janë bërë disa vlerësime kontradiktore që i çojnë banorët në situata pezull, për më tepër të rrezikshme.

?Kanë kaluar tre javë nga tërmeti dhe ende mijëra banesa nuk kanë vlerësim për gjendjen e tyre, e të tjera kane dy apo tre vleresime kontradiktore. Shumë qytetarë janë kthyer në banesat e tyre të dëmtuara ose të pa banueshme sepse nuk kanë një vend ku të qëndrojnë duke rrezikuar jetën e tyre?, shkroi kreu i Basha në rrjetet sociale.
Kreu i PD nuk la pa përmendur edhe faktin që 3 javë pas tërmetit, nuk është publikuar asnjë bilanc për dëmët.

?Kjo fatkeqësi natyrore është kthyer tashmë në një fatkeqësi shtetërore?, tha Lulzim Basha./CNA.al





Lajmet e fundit nga