web counter
LEXO PA REKLAMA!

SHKARKO APP

App Store
Google Play

E fundit!

x

“Do të jetë e vetmja gojë në Shqipëri”/ Kryemadhi Ramës: Je anti-europian dhe anti-shqiptar

17 Dhjetor 2019, 11:30, Politikë CNA

Në një deklaratë për shtyp, Kryetarja e Lëvizjes Socialiste për Integrim, Monika Kryemadhi, ka reaguar për të disatën herë në lidhje me paketën ?Anti-shpifje? të propozuar nga Qeveria. Ajo fajëson Kryeministrin, duke theksuar se ky i fundit kërkon të jetë e vetmja gojë në Shqipëri.

Kryemadhi këmbëngul se Rama është kundër Europës, prandaj edhe nuk i merr për bazë direktivat ndërkombëtare dhe europiane, përkundrazi, vepron në kundërshtim me to.

?Në Shqipëri, demokracia gjendet në buzë të greminës. Edi Rama kërkon që të jetë e vetmja gojë në Shqipëri. Edi Rama i ka shpallur luftë çdo të vërtete. Paketa Anti-shpifje nuk mbetet tjetër veç të cilësohet si paketa Anti-shprehje. Edi Rama kërkon të dënojë çdo portal apo drejtues portali, nëse ai denoncon korrupsionin, grabitjen, apo mashktrimet e tij. Ai kërcenon dhe kërkon të arrestojë dhe dënojë çdo politikan që e denoncon. Ai tashmë është kundër Europës, pasi bie bë kundërshtim flagrant me direktivën europiane për lirinë e mediave. Edi Rama është anti-europian dhe anti-shqiptar?, tha Kryetarja e LSI.

Sipas Kryemadhit, Rama mban pranë vetes skllevër duke ju mohuar lirinë e shprehjes atyre dhe popullit, për të krijuar një sistem diktatorial.

?Liria e shprehjes është ajo që bën ndarjen e demokracisë nga diktatura. Nuk ka dhe as nuk do të ketë asnjë kompromis midis asaj që do të bëjë ndryshimin midis njeriut të lirë dhe skllavit?, u shpreh Monika./CNA.al





Lajmet e fundit nga