web counter
LEXO PA REKLAMA!

SHKARKO APP

App Store
Google Play

E fundit!

x

Arben Malaj jep alarmin/ Sjellja e Ramës do dëmtojë ekonominë e vendit

17 Dhjetor 2019, 07:36, Politikë CNA

Gjatë një diskutimi mbi procesin e shkarkimit nga posti si anëtar i Këshillit Mbikqyrës në Bankën e Shqipërisë, Arben Malaj ka folur mbi situatën aktuale politike në Shqipëri, duke u ndalur tek projektligji i njohur si ?paketa Anti?shpifje?.

Malaj është pozicionuar kundër kësaj pakete, duke theksuar se vetë organizatat ndërkombëtare kanë qenë prej kohësh të shqetësuara për faktin që Rama dhe Veliaj komunikojnë me video parafabrikate. Ai është shprehur se Kryeministri është neodiktator dhe po e bën popullin shqiptar të mos ndihet i lirë. Një popull që nuk është i lirë, thotë Malaj, përfundon shumë shpejt duke qenë i varfër, pra sjellja autokrate e Ramës ndikon edhe në ekonominë në vend.

Ai nuk ka lënë pa përmendur edhe Kryetarin e Bashkisë Tiranë, Erion Veliaj, duke thënë se populli nuk e njeh këtë Kryetar pasi nuk është ai që paraqitet në media. Fenomeni Veliaj e shqetëson pasi është Kryetar i qytetit ku ai jeton. Pavarësisht se figura të tilla si Veliaj e shqetësojnë, Malaj u shpreh se mbetet i majtë.

?Ligji për paketën antishpifje. Unë besoj nuk është vetëm nga iniciativa ligjore, organizatat janë të shqetësuara se Rama dhe Veliaj komunikojnë me video prafabrikate. Shoh kolegë që kanë frikë të më mbështesin. Një vend ku njerëzit nuk ndihen të lirë, nuk zhvillohet. Kjo e bën shtetin më të varfër. Problemi nuk janë fake news, por shoqëritë fallco. Unë nuk godas mbrapa shpine, jam burokrat. Njerëzit nuk e njohin Kryetarin e Bashkisë Tiranë që del për ditë në media. Ai del si Kryetar i Bashkisë, mbetem i majtë por nuk jam me asnjë strukture, nuk më lejojnë që të jem anëtar kryesie por mund të jem anëtar i PS. Neodiktatorët janë duke u kthyer sidomos në vendet ish komuniste”, tha ndër të tjera Malaj në studion e Abc news./CNA.al





Lajmet e fundit nga